Прамовы і інтэрв’ю

Лукашэнка разлічвае на развязку i "святло ў канцы тунэля" ва Украіне ў бягучым годзе

Фота Reuters

26 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка разлічвае, што ў бягучым годзе ў вайне ва Украіне настане нейкая развязка. Аб гэтым ён заявіў журналістам у Мінску, паведамляе карэспандэнт БЕЛТА.

"У гэтым годзе развязка нейкая будзе. Я не гавару, што закончыцца вайна і іншае. Канфліктаваць, напэўна, яшчэ доўга будуць. Але развязка будзе. Святло ў канцы тунэля з'явіцца ў бягучым годзе", - сказаў кіраўнік дзяржавы.

"Мы прыхільнікі міру ва Украіне. Трэба цяпер улічваць усё. І Расіі (пазіцыю. - Заўвага БЕЛТА). Без яе нікуды. Ніякая Амерыка ніколі Расію не прымусіць. Трамп не ідыёт, не дурань, ён так Пуціну не скажа. А калі скажа, гэта будзе на шкоду. Нельга панукаць і намі круціць-вярцець. У нас ёсць свае інтарэсы, а ў Расіі тым больш. Але мы не хочам вайны, мы не хочам гібелі людзей. Таму што загінуць мільёны. Каму гэта трэба? - адзначыў кіраўнік дзяржавы. - Трэба цяпер спыніцца. І гэта ў інтарэсах перш за ўсё Еўропы. Яны гэта разумеюць, але трэба адчапіцца ад гэтага "авіяносца" амерыканскага".

версія для друку

зрабіць стартавай

дабавіць у выбранае