Прамовы і інтэрв’ю

Лукашэнка: перадавыя тэхналогіі - гэта абараназдольнасць, суверэнітэт i незалежнасць дзяржавы

14 лютага, Мінск /Кар. БЕЛТА/. Перадавыя тэхналогіі - гэта і абараназдольнасць, і суверэнітэт, і незалежнасць дзяржавы. Аб гэтым Прэзідэнт Беларусі Аляксандр Лукашэнка заявіў 14 лютага на нарадзе па пытаннях развіцця айчыннай мікраэлектронікі, перадае карэспандэнт БЕЛТА.

"Нам трэба чарговы раз прааналізаваць работу аднаго з важнейшых сектараў беларускай прамысловасці - мікраэлектронікі. Гэта не выпадкова, не дзеля таго, каб паказаць, што мы гэтым займаемся, а таму што мікраэлектроніка аказалася на сённяшні дзень вельмі запатрабаванай ва ўсім свеце. Роля электронікі для будучыні Беларусі, у тым ліку для Беларусі і Расіі, вельмі важна. У наш век перадавыя тэхналогіі - гэта абараназдольнасць, суверэнітэт, незалежнасць дзяржавы", - падкрэсліў Аляксандр Лукашэнка.

Кіраўнік дзяржавы адзначыў, што Беларусь адна з нямногіх, хто мае высокія кампетэнцыі ў распрацоўцы і вытворчасці шырокай наменклатуры электроннай кампанентнай базы, вырабе ўнікальнага тэхналагічнага абсталявання для прадпрыемстваў галіны.

"Такія краіны ў свеце літаральна можна пералічыць па пальцах адной рукі. Аднак час не чакае. І канкурэнты таксама не чакаюць. Вы гэта бачыце, - звярнуў увагу Прэзідэнт. - Мы захавалі не толькі вытворчасці, але і, што яшчэ больш важна, навуковыя, канструктарскія, інжынерныя кадры. Захавалі і развіваем сваю школу, вучым моладзь. Гэта значыць, у нас ёсць вельмі сур'ёзныя, сусветнага ўзроўню кампетэнцыі. У гэтым напрамку мы будзем развівацца, рухацца. Будзем інвесціраваць у гэтыя напрамкі, укладваць сродкі, таму што мы ў гэтым плане сусветнага ўзроўню і распрацоўшчыкі, і вытворцы".

версія для друку

зрабіць стартавай

дабавіць у выбранае