Прамовы і інтэрв’ю

Лукашэнка: павінна быць жалезная дысцыпліна, калі мы хочам выжыць

24 красавіка, Мазырскі раён /Кар. БЕЛТА/. Прэзідэнт Беларусі Аляксандр Лукашэнка ў ходзе рабочай паездкі ў Мазырскі раён Гомельскай вобласці заявіў аб важнасці падтрымання дысцыпліны, перадае карэспандэнт БЕЛТА.

"Павінна быць жалезная дысцыпліна, калі мы хочам выжыць. Каму-каму, а гамяльчанам гэта не трэба тлумачыць: паглядзіце на поўдзень - зразумееце (размова пра ўзброены канфлікт ва Украіне. - Заўвага БЕЛТА)", - заявіў Аляксандр Лукашэнка.

Адразу пасля прыбыцця ў Мазырскі раён кіраўнік дзяржавы звярнуў увагу на сітуацыю ў лясной і сельскай гаспадарцы.

"Я зараз глядзеў на лес, які вы планава спілавалі. Барозны нарэзаны… Значыць, лес аднаўляецца, так я разумею?" - удакладніў беларускі лідар і атрымаў сцвярджальны адказ.

Гаворачы пра сітуацыю на палях, Аляксандр Лукашэнка адзначыў, што ў Гомельскай вобласці ў гэтым плане няма праблем. "На палях, вядома, тут парадак. Добра", - дадаў ён.

Што датычыцца жывёлагадоўлі, то тут справы ідуць значна горш, на што і ўказаў кіраўнік дзяржавы старшыні Гомельскага аблвыканкама Івану Крупко на прыкладзе матэрыялаў праверак.

"Гэта называецца жах. Я разумею, што ў асобных месцах, разумею, што яны канцэнтруюць негатыў (матэрыялы праверкі. - Заўвага БЕЛТА). Але гэта больш, чым крымінальная справа", - выказаўся Прэзідэнт пра найбольш абуральныя факты.

версія для друку

зрабіць стартавай

дабавіць у выбранае