Прамовы і інтэрв’ю

Лукашэнка накіраваў прывітанне ўдзельнікам i гасцям XXXIII Мінскай міжнароднай кніжнай выстаўкі-кірмашу

17 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў прывітанне ўдзельнікам і гасцям XXXIII Мінскай міжнароднай кніжнай выстаўкі-кірмашу. Аб гэтым БЕЛТА паведамілі ў прэс-службе беларускага лідара.

"Вітаю ўдзельнікаў і гасцей Мінскай міжнароднай кніжнай выстаўкі-кірмашу. На працягу многіх гадоў яна з'яўляецца доўгачаканай і значнай падзеяй у сферы літаратуры і кнігавыдання, аб'ядноўваючы прафесіяналаў і аматараў друкаванага слова з розных куткоў зямнога шара", - гаворыцца ў віншаванні.

"Упэўнены, што прымеркаваны да 35-годдзя СНД кніжны форум умацуе патэнцыял міжнароднага супрацоўніцтва, адкрые новыя імёны і прадставіць яркія праекты, накіраваныя на развіццё выдавецкай справы і папулярызацыю духоўна-маральных каштоўнасцей Садружнасці", - адзначыў кіраўнік дзяржавы.

Аляксандр Лукашэнка пажадаў удзельнікам і гасцям кніжнай выстаўкі-кірмашу творчых поспехаў, дабрабыту і прыемных уражанняў.