Прамовы і інтэрв’ю

Лукашэнка: мы за сумленны дыялог i гэта дэманструем у сваёй палітыцы

27 лістапада, Бішкек /Кар. БЕЛТА/. Беларусь выступае за сумленны і адкрыты дыялог па важных міжнародных пытаннях. Аб гэтым Прэзідэнт Беларусі Аляксандр Лукашэнка заявіў у Бішкеку на саміце Арганізацыі Дагавора аб калектыўнай бяспецы, перадае карэспандэнт БЕЛТА.

"Акрамя нарошчвання ваеннага патэнцыялу нашы суседзі актыўна прапаведуюць палітыку ізаляцыі і раздзяляльных ліній. Спектр вельмі шырокі - ад незаконных эканамічных санкцый да закрытага неба і закрытых граніц, - сказаў кіраўнік дзяржавы. - У той жа час мы - за дыялог. І гэта дэманструем у сваёй палітыцы. Сумленны, адкрыты, без ультыматумаў і папярэдніх умоў".

Аляксандр Лукашэнка нагадаў, што ў перыяд свайго старшынства ў АДКБ у 2023 годзе Беларусь ініцыявала Мінскую міжнародную канферэнцыю па еўразійскай бяспецы, прапанаваўшы пляцоўку для навядзення мастоў і пошуку кампрамісных рашэнняў у мэтах пераадолення рознагалоссяў у рэгіёне. "АБСЕ не працуе. Даўно можна было сабрацца кіраўнікам дзяржаў і пагаварыць на гэту тэму. Але камусьці не хочацца", - заўважыў беларускі лідар.

У канцы кастрычніка бягучага года праведзена ўжо III Мінская канферэнцыя, якая становіцца пастаянным форумам для абмеркавання надзённых пытанняў рэгіянальнай і глабальнай бяспекі для Еўразіі.

версія для друку

зрабіць стартавай

дабавіць у выбранае