Прамовы і інтэрв’ю

Лукашэнка: я для беларусаў выгадны Прэзідэнт

20 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка ў размове з журналістамі расказаў, чаму для беларусаў ён з'яўляецца выгадным кіраўніком дзяржавы, перадае карэспандэнт БЕЛТА.

"Я для вас выгадны Прэзідэнт. Выгадны ў тым, што я не трымаюся за ўладу. Калі нехта інакш думае, дурань поўны. Я не думаю аб тым, як яе захаваць. Я ўжо вось так гэтага наеўся", - заявіў Аляксандр Лукашэнка.

Кіраўнік дзяржавы адзначыў, што не глядзіць на ўладу з пункту гледжання сваёй выгады і не кідаецца ёю. "Гэта тое, што мне ўручыў народ. Сказаў: давай, кіруй, адказвай за краіну і за нас. Ціхая, спакойная краіна. Але ў парушэнне ўсяго і ўся, сваіх слоў у тым ліку, я не трымаюся за гэту ўладу, - падкрэсліў ён. - Не спадабаецца большасці народа - хутка выбары, выбераце новага Прэзідэнта. Я гэтага не баюся, гэта сапраўды так".

Беларускі лідар дадаў, што яго патрабавальнасць і жорсткая крытыка наконт недысцыплінаванасці і безгаспадарчасці звязаны з адказнасцю за краіну і народ. У сувязі з гэтым ён прывёў прыклад падзяжу жывёлы. Гэта праблема рэгулярна ўзнімаецца на розных нарадах, і кіраўнік дзяржавы жорстка патрабуе яе ўстараніць. "Цяляты загінулі - не будзе мяса, малака і іншае. Значыць, вы краіну падстаўляеце - галава з плячэй. Ад гэтай палітыкі я ўжо адысці не магу. Цяпер час такі, ваенны. А вайны я не хачу", - рэзюмаваў Аляксандр Лукашэнка.

версія для друку

зрабіць стартавай

дабавіць у выбранае