Прамовы і інтэрв’ю

Лукашэнка: Беларусь не будзе ўвязвацца ў вайну

Фота з архiва

31 кастрычніка, Лепельскі раён /Кар. БЕЛТА/. Беларусь не будзе ўвязвацца ў вайну, калі не будзе агрэсіі звонку. Аб гэтым Прэзідэнт Беларусі Аляксандр Лукашэнка заявіў у час размовы з мясцовымі жыхарамі пры наведванні Бярэзінскага біясфернага запаведніка, перадае карэспандэнт БЕЛТА.

Кіраўнік дзяржавы звярнуў увагу, што залогам спакойнага мірнага жыцця з'яўляецца перш за ўсё стабільная эканамічная сітуацыя ў краіне, наяўнасць у людзей магчымасці працаваць і зарабіць. І ў Беларусі ўсё гэта ёсць. "Пакуль, дзякуй богу, не ваюем. А гэта - самае страшнае. А ваяваць не будзем, калі будуць у нас вось такія аб'екты (як вытворчасць па дрэваапрацоўцы ў Домжарыцах, напрыклад. - Заўвага БЕЛТА), калі ў нас будзе работа і калі мы будзем заняты. Калі ёсць эканоміка, наўрад ці будзе вайна. Наўрад ці гэта дзяржава будзе ваяваць. Але калі няма эканомікі - бяда", - канстатаваў Аляксандр Лукашэнка.

"На нас (тое, што ёсць у Беларусі і што краіна ўмее вырабляць. - Заўвага БЕЛТА) попыт ёсць. Але цяпер час такі незразумелы, невядомы, што трэба выстаяць. Нам трэба вытрымаць гэты час. Вытрымаем - будуць жыць нашы дзеці. Не вытрымаем - акунёмся ў гэты вір. Пяцьдзясят з лішнім канфліктаў і войнаў у свеце. Не хацелася б, каб мы ўдзельнічалі ў 51-м. Але тое, што мы не хочам ваяваць, што мы не будзем увязвацца ў гэту вайну, калі нас не чапаюць, гэта я вам абяцаю. Гэта якраз галоўная задача Прэзідэнта і ўлады", - сказаў кіраўнік дзяржавы.

Аляксандр Лукашэнка адзначыў, што цяпер некаторыя краіны-суседзі трацяць на ваенныя патрэбы да 5 працэнтаў ад ВУП, што з'яўляецца вельмі высокім узроўнем. Пытанне: навошта гэта робіцца? У сувязі з гэтым кіраўнік дзяржавы падкрэсліў, што "адцяць" заходнюю частку Беларусі або Украіны, як гэта было раней, не атрымаецца. "Не будзе гэтага", - падкрэсліў ён.

"Калі вы прыйдзеце да нас без дазволу сваімі каванымі ботамі - бахнем", - папярэдзіў беларускі лідар.

версія для друку

зрабіць стартавай

дабавіць у выбранае