Прамовы і інтэрв’ю

Лукашэнка адзначыў нежыццяздольнасць пляцоўкі Мюнхенскай канферэнцыі па бяспецы

28 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка адзначыў нежыццяздольнасць пляцоўкі Мюнхенскай канферэнцыі па бяспецы. Адпаведную заяву кіраўнік дзяржавы зрабіў на ІІІ Мінскай міжнароднай канферэнцыі па еўразійскай бяспецы, перадае карэспандэнт БЕЛТА.

Кіраўнік дзяржавы адзначыў, што Мінская канферэнцыя з кожным годам становіцца ўсё больш запатрабаванай і ўжо заняла сваё месца ў календары міжнародных падзей. Напрыклад, у гэтым годзе ў ёй удзельнічаюць 48 краін супраць 38 у 2024-м.

"Чаму? Дзе яшчэ адкрыта і сумленна абмяркоўваць фундаментальныя пытанні бяспекі на нашым агульным кантыненце? У Мюнхене? Магчыма. Але там хочуць бачыць і чуць толькі тых, хто прайшоў праз "ідэалагічнае сіта". У чым нас папракаюць. Была б іх воля, у наступным годзе, напэўна (зыходзячы з таго, што мы бачылі на мінулай канферэнцыі), і амерыканцаў туды не пусцілі б. Раптам тыя зноў скажуць праўду пра "еўрапейскі сад": аб страчаных каштоўнасцях, утрыманстве, крывадушнасці, цэнзуры і двайных стандартах", - сказаў кіраўнік дзяржавы.

Аляксандр Лукашэнка падкрэсліў, што ў суседніх і шэрагу краін Захаду баяцца як агню таго, што на мінскай пляцоўцы прагучыць альтэрнатыўны пункт гледжання. "Яны баяцца ўсіх нас. Вас. Вашай аналітыкі, вашага ведання сітуацыі, умення данесці яго да людзей. Вашага голасу. А вы, нягледзячы ні на што, і я вам за гэта ўдзячны, прыехалі ў Мінск. У Мінску мы заўсёды рады вас бачыць", - сказаў ён.

версія для друку

зрабіць стартавай

дабавіць у выбранае