Прамовы і інтэрв’ю
"Любая задача мае вырашэнне". Рагожнік аб чаканнях ад работы на чале Віцебскай вобласці
15 студзеня, Мінск /Кар. БЕЛТА/. Аляксандр Рагожнік, якога кіраўнік дзяржавы назначыў на пасаду старшыні Віцебскага аблвыканкама, падзяліўся з журналістамі чаканнямі ад работы на пасадзе кіраўніка рэгіёна, перадае карэспандэнт БЕЛТА.
"У любой вобласці ёсць нейкія пытанні - як на любым прадпрыемстве і ў любой арганізацыі. Любая задача заўсёды мае вырашэнне. Як у медыцыне: вызначаюць дыягназ, назначаюць лячэнне і пераходзяць да выздараўлення. Так і тут. Невырашальных задач не існуе. Для вырашэння патрэбны пэўны час, адказнасць і настойлівасць у дасягненні выніку. Усё гэта прыводзіць да поспеху", - сказаў Аляксандр Рагожнік.
У якасці пацвярджэння сваіх слоў ён прывёў прыклад Аршанскага раёна, які некалькі гадоў таму быў своеасаблівым "праблемным пунктам" у рэспубліцы. Пасля адпаведных даручэнняў кіраўніка дзяржавы ўдалося наладзіць работу прадпрыемстваў рэгіёна і забяспечыць людзей дастойнай заработнай платай. "Гэта, на першы погляд, невырашальная праблема вырашылася і ніякіх сёння праблем не дастаўляе", - дадаў ён.
Журналісты таксама пацікавіліся ў Аляксандра Рагожніка, ці спатрэбіцца яму шматгадовы вопыт работы ў прамысловасці на пасадзе старшыні Віцебскага аблвыканкама. "Прамысловыя прадпрыемствы - гэта такая ж арганізацыя, як і любая іншая. Падыходы ў вырашэнні любых праблем, па сутнасці, тоесныя. Таму аб нечым унікальным я не гаварыў бы, - падкрэсліў ён. - Прэзідэнт звярнуў асаблівую ўвагу на такую галіну, як сельская гаспадарка. Кіраўнік дзяржавы па-асабліваму адносіцца да Віцебскай вобласці. Была створана рабочая група па вызначэнні перспектыў развіцця вобласці. Наша справа - усе гэтыя рашэнні ажыццявіць".
Адносна кадравай работы Аляксандр Рагожнік адзначыў, што для пачатку трэба зразумець на месцы, "хто чаго варты з тых, хто працуе". "Размова не вядзецца аб тым, што заўтра будуць нейкія рэвалюцыйныя рашэнні ў адносінах да нейкіх кіраўнікоў. Я не прыхільнік таго, каб усё разбураць. Спачатку мы паглядзім, хто чаго варты, а потым будзем рашэнні прымаць", - сказаў на заканчэнне Аляксандр Рагожнік.
версія для друку
зрабіць стартавай
дабавіць у выбранае