Прамовы і інтэрв’ю

25 мая, Мінск /Кар. БЕЛТА/. Прадстаўнікі краінавай каманды ААН высока ацэньваюць намаганні ўрада Беларусі па рабоце з бежанцамі, паведамілі БЕЛТА ў дэпартаменце грамадскай інфармацыі ААН у Беларусі.

Пастаянны каардынатар ААН у Беларусі Санака Самарасінха, прадстаўнік упраўлення Вярхоўнага камісара па справах бежанцаў (УВКБ ААН) у Беларусі Жан Іў Бушардзі, намеснік пастаяннага прадстаўніка ПРААН Кацярына Паніклава і намеснік прадстаўніка Фонду ААН у галіне народанасельніцтва (ЮНФПА) Алена Касько сустрэліся з міністрам працы і сацыяльнай абароны Мар'янай Шчоткінай. Удзельнікі сустрэчы абмеркавалі шырокае кола пытанняў, сярод якіх праблемы людзей з інваліднасцю, бежанцаў, гендарнай роўнасці.

Прадстаўнікі краінавай каманды ААН высока ацанілі намаганні ўрада рэспублікі ў галіне работы з бежанцамі, а таксама заклікалі Беларусь да падпісання і ратыфікацыі Канвенцыі аб правах інвалідаў. Бакі абмеркавалі маючае адбыцца падпісанне і рэалізацыю Рамачнай праграмы ААН на 2016-2020 гады і краінавых праграм агенцтваў сістэмы ААН на наступныя пяць гадоў.

Пастаянны каардынатар ААН праінфармаваў міністра аб ініцыятыве, прымеркаванай да 70-годдзя ААН, - поездзе ААН, які праедзе па гарадах Беларусі восенню бягучага года.