Прамовы і інтэрв’ю

Коўл заклікаў Вільнюс да дыялогу з Мінскам i заявіў аб зацікаўленасці ЗША ў калійных угнаеннях з Беларусі

Джон Коўл. Фота з архіва

27 сакавіка, Мінск /Кар. БЕЛТА/. Спецпасланнік ЗША Джон Коўл заклікаў Вільнюс пачаць дыялог з Мінскам, а таксама заявіў аб зацікаўленасці Злучаных Штатаў Амерыкі ў калійных угнаеннях з Беларусі. Аб гэтым ён сказаў у інтэрв'ю аднаму з літоўскіх СМІ.

Коўл заявіў, што беларускія калійныя ўгнаенні маглі б быць вельмі карыснымі ЗША і павінны пастаўляцца праз Літву. Паводле слоў Коўла, ён спадзяецца, што Літва правядзе двухбаковую сустрэчу з Беларуссю на ўзроўні намеснікаў міністраў замежных спраў.

"Калійныя ўгнаенні з Беларусі павінны ісці праз Літву. Так перад імі адкрываецца Еўропа і шлях далей да саміх ЗША", - сказаў Коўл. Ён адзначыў, што вырашэнне праблемных пытанняў паміж Беларуссю і Літвой дапаможа наладзіць гандаль паміж дзвюма краінамі, гандаль з Еўропай і са Злучанымі Штатамі Амерыкі.

"Трэба спыніць тыя рэчы, якія перашкаджаюць жыццю па абодва бакі", - таксама дадаў ён.

Коўл адзначыў, што абмяркоўваў беларускія ўгнаенні з міністрам сельскай гаспадаркі ЗША Брук Ролінз. Паводле яго слоў, Ролінз сказала яму, што беларускія ўгнаенні былі б вельмі карысны для ЗША.

Раней у МЗС Беларусі заяўлялі, што штогадовыя прамыя страты літоўскай эканомікі ад разрыву сувязей з Беларуссю ацэньваюцца амаль $1 млрд, пры гэтым сярод найбольш значных наступстваў - катастрафічны ўдар па транзітнай галіне Літвы, рабоце Клайпедскага порта і Літоўскіх чыгунак, скарачэнне літоўскага экспарту. Выданне Diena пісала, што спыненне Літвой з 1 лютага 2022 года транзіту прадукцыі ААТ "Беларуськалій" стала ключавым фактарам стратнасці Літоўскіх чыгунак.

версія для друку

зрабіць стартавай

дабавіць у выбранае