Прамовы і інтэрв’ю

Качанава: узровень узаемадзеяння Беларусі i Казахстана - стратэгічны

27 лютага, Мінск /Кар. БЕЛТА/. Узровень узаемадзеяння Беларусі і Казахстана - стратэгічны, заявіла старшыня Савета Рэспублікі Наталля Качанава ў час сустрэчы з Надзвычайным і Паўнамоцным Паслом Рэспублікі Казахстан у Рэспубліцы Беларусь Цімурам Жаксылыкавым, перадае карэспандэнт БЕЛТА.

"Хацела б павіншаваць вас з назначэннем на такую высокую дыпламатычную пасаду, пажадаць удачы, поспехаў у рабоце на карысць нашых краін і народаў. Таму што, вядома, ад работы пасла шмат што залежыць у выбудоўванні такіх добрых адносін, якія склаліся паміж нашымі краінамі гістарычна, - сказала Наталля Качанава. - Беларусь і Казахстан звязваюць гістарычныя карані, і ўзровень узаемадзеяння паміж нашымі краінамі сёння можна назваць стратэгічным. Гэта, вядома, шмат у чым склалася дзякуючы прэзідэнтам нашых краін, якія вельмі цесна ўзаемадзейнічаюць, на міжнародных пляцоўках праходзяць даволі часта ў іх сустрэчы. І мы павінны зрабіць усё для таго, каб тыя дамоўленасці, якія дасягнуты, былі рэалізаваны".

Нашы краіны звязвае ўзаемадзеянне абсалютна па ўсіх напрамках, адзначыла спікер. "Гэта і гандлёва-эканамічнае супрацоўніцтва. Казахстан уваходзіць у дзясятку краін, з якімі ў нас склаліся добрыя вынікі ў гандлёва-эканамічным супрацоўніцтве. Гуманітарнае супрацоўніцтва, міжпарламенцкае супрацоўніцтва для нас вельмі важныя", - падкрэсліла старшыня Савета Рэспублікі.

"Я хацела б адзначыць, што мы вельмі актыўна ўзаемадзейнічаем на міжнародных пляцоўках і ў міжнародных арганізацыях. У цяперашняй сітуацыі, якая складваецца ў свеце, падтрымка вельмі важная. З'яўляюцца новыя гарачыя кропкі, і вельмі важны сёння мір і з'яднанасць. І падтрымка адзін аднаго, вядома, дарагога каштуе, - дадала Наталля Качанава. - Нашы мэты абсалютна ідэнтычныя - дабрабыт нашых грамадзян. А калі гаварыць аб знешнім контуры, вядома, гэта мір, суверэнітэт і незалежнасць, неўмяшанне ва ўнутраныя справы краін".

версія для друку

зрабіць стартавай

дабавіць у выбранае