Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

31 Mar 2020

Качанава: у нас няма такой сітуацыі, каб трэба было закрываць прадпрыемствы

Качанава: у нас няма такой сітуацыі, каб трэба было закрываць прадпрыемствы
Наталля Качанава

31 сакавіка, Мінск /Кар. БЕЛТА/. Эпідэміялагічная абстаноўка ў Беларусі не патрабуе закрыцця прадпрыемстваў. Аб гэтым сёння заявіла журналістам старшыня Савета Рэспублікі Наталля Качанава, перадае карэспандэнт БЕЛТА.

Спікер адзначыла, што на фоне праблем з-за распаўсюджвання ў свеце каранавіруснай інфекцыі гучаць розныя прапановы, аж да закрыцця прадпрыемстваў. Аднак Наталля Качанава падкрэсліла: для такіх мер няма падстаў. "Мы добра разумеем: эпідэмія пройдзе, а з чым застанецца краіна? У нас няма такой сітуацыі, каб трэба было закрываць нейкія прадпрыемствы. Таму эканоміка ў прыярытэце: работа прадпрыемстваў, выкананне задач, якія стаяць перад намі", - сказала яна.

Цяпер у Савеце Рэспублікі разглядаюць прапановы ўрада па сацыяльна-эканамічным развіцці краіны на бліжэйшае пяцігоддзе, сочаць за бягучай сітуацыяй у рэгіёнах і на прадпрыемствах. "Безумоўна, гэта вельмі важна - раўнамернае развіццё рэгіёнаў, работа кожнага прадпрыемства. Без эканомікі не будзе абсалютна нічога, - падкрэсліла Наталля Качанава. - Задачы, якія ставіў кіраўнік дзяржавы па пытаннях занятасці, цэн, зарплаты, заўсёды будуць у прыярытэце".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі