Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

28 Май 2015

Кабякоў: Беларусь гатова да пераходу ад тавараабмену да рэалізацыі інвестпраектаў з Кыргызстанам

Кабякоў: Беларусь гатова да пераходу ад тавараабмену да рэалізацыі інвестпраектаў з Кыргызстанам

28 мая, Бурабай /Юлія Огнева - БЕЛТА/. Беларусь гатова перайсці ад тавараабмену да рэалізацыі інвестыцыйных праектаў з Кыргызстанам. Аб гэтым заявіў сёння кіраўнік беларускага ўрада Андрэй Кабякоў у час сустрэчы з прэм'ер-міністрам Кыргызстана Тэмірам Сарыевым, перадае карэспандэнт БЕЛТА.

"Беларусь гатова пераходзіць ад простага тавараабмену, хоць гэта таксама вельмі важна, да інвестыцыйнага супрацоўніцтва. Мы гатовы развіваць свае зборачныя вытворчасці. Тыя прадпрыемствы, якія былі і працуюць, за кароткі прамежак часу неабходна вывесці на новы якасны ўзровень, паглядзець іншыя віды тэхнікі, якія мы маглі б прапанаваць нашым партнёрам", - адзначыў Андрэй Кабякоў.

Паводле яго слоў, у Беларусі ёсць цікавасць да імпарту з Кыргызстана. "Перш за ўсё гэта якасная бавоўна. У нас лёгкая прамысловасць працуе, мы хочам прадстаўляць канкурэнтаздольныя тавары на сусветным рынку", - удакладніў Андрэй Кабякоў. Ён таксама адзначыў, што беларускія спецыялісты гатовы паўдзельнічаць у мадэрнізацыі цукровай галіны Кыргызстана.

Андрэй Кабякоў павіншаваў Тэміра Сарыева з назначэннем на пасаду прэм'ер-міністра і выказаў надзею на тое, што сумеснымі намаганнямі ўдасца пашырыць гандлёва-эканамічныя адносіны. "Зноў запрацавала камісія па гандлёва-эканамічным супрацоўніцтве, ёй ёсць чым займацца, таму што апошнім часам, на жаль, назіраецца тэндэнцыя да зніжэння ўзаемнага тавараабароту. Думаю, што неабходна прыкласці ўсе намаганні для таго, каб тыя сферы і галіны, якія з'яўляюцца ключавымі для ўзаемнага гандлю, праявілі той патэнцыял, які існуе", - падкрэсліў ён.

У сваю чаргу Тэмір Сарыеў запэўніў, што ўрады дзвюх краін і ў далейшым будуць плённа працаваць, нарошчваць патэнцыял, павялічваць узаемны тавараабарот.

Сустрэча Андрэя Кабякова і Тэміра Сарыева адбылася ў ходзе рабочага візіту прэм'ер-міністра Беларусі ў Казахстан 28-29 мая. Заўтра ў пасёлку Бурабай адбудуцца пасяджэнні Савета кіраўнікоў урадаў СНД і Еўразійскага міжурадавага савета.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі