Прамовы і інтэрв’ю
"Яны ў страі i дзеляцца вопытам з моладдзю". Качанава пра беларусаў старэйшага пакалення
30 верасня, Мінск /Кар. БЕЛТА/. Старшыня Савета Рэспублікі Наталля Качанава сёння правяла сустрэчу з членамі Савета Рэспублікі Нацыянальнага сходу Беларусі папярэдніх скліканняў, прымеркаваную да Дня пажылых людзей, перадае карэспандэнт БЕЛТА.
Ва ўсім свеце 1 кастрычніка адзначаецца Дзень пажылога чалавека. "У нашай краіне стала добрай традыцыяй ушаноўваць людзей старэйшага пакалення, якія сапраўды ўнеслі вялікі ўклад у развіццё нашай краіны, у яе станаўленне, стварэнне сваёй суверэннай незалежнай дзяржавы, - адзначыла Наталля Качанава. - Мы шчыра ўдзячны старэйшаму пакаленню за іх неацэнны ўклад, вопыт, мудрасць, талент, уменне выслухаць, падзяліцца сваім вопытам. Такія сустрэчы заўсёды вельмі кранальныя, таму што мы разумеем, што людзі старэйшага пакалення зрабілі шмат для нашай краіны. Дзякуючы ім мы ведаем, што такое мір, што такое жыць на сваёй суверэннай зямлі. І добра разумеем, што мы павінны быць усе разам. Тыя, хто сёння ўжо на заслужаным адпачынку, але не абыякавы да жыцця сваёй краіны і тыя, хто сёння працуе на карысць нашай дзяржавы. А таксама моладзь, якая заўтра прыйдзе на іх месцы".
Наталля Качанава падкрэсліла, што сустрэчы з прадстаўнікамі старэйшага пакалення дазваляюць даведацца пра іх меркаванне наконт сённяшняй работы Савета Рэспублікі, пачуць добрыя парады. "Яны для нас вельмі важныя, - дадала яна. - Таксама ў нас ёсць Маладзёжны савет. І сёння мы разам абмяркоўваем самыя актуальныя для нашай краіны пытанні. Перадаючы ім нашы слаўныя добрыя традыцыі, мы робім усё, каб захаваць сваю краіну - такую цудоўную, незалежную, суверэнную".
"Людзям старэйшага пакалення - словы шчырай удзячнасці, падзякі, нізкі паклон за ўсё тое, што яны зрабілі для нашай краіны. І не проста зрабілі, яны і сёння гэта робяць. Таму што многія пенсіянеры, якія ўжо заслужылі адпачынак, працуюць і сёння. Яны ў страі і дзеляцца сваім вопытам, сваімі талентамі з моладдзю, перадаючы свой вопыт і веды", - упэўнена яна.
Наталля Качанава расказала прысутным на сустрэчы пра вялікую праведзеную Саветам Рэспублікі з пачатку года работу. Старэйшынам яна прадставіла членаў Маладзёжнага савета, якія таксама прынялі ўдзел у сустрэчы. "Як гаворыць Аляксандр Рыгоравіч, мы адыходзячае пакаленне, заўтра прыйдзе моладзь. Важна, каб прыйшла такая моладзь, якая будзе прадаўжаць слаўныя традыцыі, закладзеныя старэйшымі пакаленнямі", - сказала яна.
Ад Маладзёжнага савета да старэйшын звярнулася Аліна Рацькова, якая адзначыла, што прымаць удзел у такой знакавай і важнай сустрэчы для моладзі вялікі гонар. "Яшчэ гэта магчымасць стаць часткай дыялогу пакаленняў і расказаць аб рабоце моладзі. Маладзёжны савет - гэта 138 энергічных і матываваных хлопцаў і дзяўчат з кожнага рэгіёна нашай краіны і 10 прадстаўнікоў Мінска. Кожны з нас працуе на грамадскіх пачатках і прадстаўляе ў асноўным працоўную моладзь, толькі трое студэнтаў выпускных курсаў з'яўляюцца дзеючымі членамі савета. Наша ключавая задача - быць сувязным звяном паміж моладдзю і парламентрыямі, - расказала дзяўчына. - У нас ёсць вялікая колькасць мерапрыемстваў і ініцыятыў, накіраваных на грамадзянска-патрыятычнае выхаванне моладзі, захаванне гістарычнай памяці, недапушчэнне рэабілітацыі нацызму, духоўна-маральнае выхаванне, прафілактыку наркаманіі. Акрамя таго, адным з асноўных напрамкаў нашай дзейнасці з'яўляецца сумесная работа з членамі Савета Рэспублікі. Мы актыўна прымаем удзел у асабістых прыёмах грамадзян, пасяджэннях, сесіях Савета Рэспублікі, выязных пасяджэннях Прэзідыума Савета Рэспублікі".
"Мы актыўна праводзім работу па ўсіх напрамках і вельмі ўдзячны нашым старшым настаўнікам за тое, што яны падтрымліваюць нас у любых пачынаннях, у любых нашых праектах і ініцыятывах, як унутры Беларусі, так і па-за яе межамі. Спадзяёмся, што і сённяшняя сустрэча стане таксама стартам нашага сумеснага супрацоўніцтва і вы будзеце з радасцю прымаць удзел у нашых мерапрыемствах і праектах, таму што ваша мудрасць, веды і вопыт - гэта бясцэнная магчымасць для прадстаўнікоў і членаў Маладзёжнага савета пачарпнуць самыя важныя азы жыцця", - рэзюмавала Аліна Рацькова.
версія для друку
зрабіць стартавай
дабавіць у выбранае