Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

16 Nov 2015

Якубовіч: Міралюбівая Беларусь выглядае дастойна на карце рэгіёна

16 лістапада, Мінск /Кар. БЕЛТА/. Беларусь, якая праводзіць міралюбівую палітыку, дастойна выглядае на карце рэгіёна. Такі пункт гледжання выказаў галоўны рэдактар газеты "СБ. Беларусь сегодня" Павел Якубовіч у час тэлепраграмы "Клуб рэдактараў", паказанай 15 лістапада ў вячэрнім эфіры канала "Беларусь 1", паведамляе БЕЛТА.

"Беларусь сёння выглядае вельмі і вельмі дастойна на карце нашага рэгіёна. Мы нікому не пагражаем, не патрабуем ад суседзяў вярнуць нам якія-небудзь тэрыторыі. Мы ні да каго прэтэнзій не маем і ўяўляем сабой краіну, якая вельмі добрая ў добрасуседскім плане", - упэўнены медыяэксперт.

Паводле яго слоў, паколькі Беларусь нікому не пагражае, то яна мае права чакаць, што і ёй ніхто пагражаць не будзе. "Але як гэта будзе ў рэальнасці - ужо іншая справа, паколькі тут ёсць нямала нюансаў. Прыклад Украіны і іншых краін пабуджае, як мне здаецца, наша кіраўніцтва і грамадскасць пастаянна думаць пра бяспеку. І не толькі ў чыста ваенным аспекце - аспектаў тут шмат. Кожны з напрамкаў нашай бяспекі павінен быць сучасным і адэкватна развівацца. Калі размова ідзе аб арміі, то гэта новыя сістэмы ўзбраенняў, калі размова ідзе аб інфармацыйнай бяспецы, то гэта выбар інструментарыю, які дапаможа нам у выпадку неабходнасці выстаяць", - сказаў Павел Якубовіч.

Генеральны дырэктар ЗАТ "БелКП-ПРЭСС" Галіна Малішэўская мяркуе, што ў пытанні падтрымання абараназдольнасці арміі ёсць некалькі важных складнікаў. "Гэта, па-першае, тэхналагічны бок, і тут заўсёды трэба трымаць руку на пульсе хаця б проста для таго, каб Беларусь у тэхналогіях, у тым ліку і ваенных, не адставала. Таму што, напрыклад, на працягу ўсяго ХХ стагоддзя армія ў многім была рухавіком тэхналогій. І няважна, імкнуліся людзі ў космас або яшчэ куды-небудзь. Армія - гэта сур'ёзны заказчык тэхналагічных змяненняў, - падкрэсліла яна. - Па-другое, важную ролю адыгрываюць камунікацыі. Вельмі важна забяспечваць інфармацыйную бяспеку, усведамляць існуючыя тут выклікі. Таму што ад інфармацыі таксама можа зыходзіць вялікая пагроза".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі