Прамовы і інтэрв’ю

Паводле яго слоў, фестываль - гэта своеасаблівая творчая лабараторыя, дзе юныя артысты могуць паказаць сябе, а таксама пераняць вопыт равеснікаў і многаму навучыцца, пашырыўшы тым самым межы сваіх магчымасцей. "Але галоўная заслуга конкурсу - умацаванне міжнароднай дружбы і культурных сувязей", - сказаў Міхаіл Дрынеўскі.

Міхаіл Дрынеўскі станоўча ацаніў патэнцыял юных артыстаў. "Мяркуючы па папярэднім праслухоўванні, у гэтым годзе сабраліся вельмі моцныя выканаўцы. Фестываль за час існавання зарэкамендаваў сябе так, што яго параўноўваюць з другім знакавым фестывалем рэспублікі - "Славянскім базарам". Слабыя артысты сюды проста не трапляюць", - падкрэсліў старшыня журы. Таксама Міхаіл Дрынеўскі адзначыў, што яго калегі высока ацанілі ўзровень арганізацыі фестывалю: канцэртныя залы, сцэна, асвятленне, гук - усё даведзена да дасканаласці.

23 красавіка на сцэне палаца культуры ААТ "Мазырскі НПЗ" (Мазыр, Гомельская вобласць) прайшла ўрачыстая цырымонія адкрыцця фестывалю юных талентаў "Зямля пад белымі крыламі", у якой прынялі удзел дэлегацыі ўсіх краін-канкурсантак.

У гэтым годзе ў дзіцячым творчым форуме, які праводзіцца ўжо дзявяты раз, удзельнічаюць больш за 400 таленавітых хлопчыкаў і дзяўчынак з Азербайджана, Румыніі, Украіны, Расіі, Латвіі, Літвы, Эстоніі, Малдовы. Беларусь прадстаўляюць юныя артысты з усіх рэгіёнаў рэспублікі.

Фестываль прадоўжыцца да 27 красавіка. 24 красавіка пройдзе гасцявы канцэрт, у якім выступяць пераможцы і лаўрэаты фестываляў мінулых гадоў, удзельнікі дзіцячых творчых рэспубліканскіх праектаў. Конкурсныя праграмы адбудуцца 24 і 25 красавіка. Падвядзенне вынікаў, уручэнне дыпломаў, ушаноўванне пераможцаў і гала-канцэрт запланаваны на 26 красавіка.

Фестываль юных талентаў "Зямля пад белымі крыламі" арганізаваны ў 1998 годзе і праводзіцца раз у два гады. За час існавання дзіцячага конкурсу ў ім прынялі ўдзел амаль 4 тыс. таленавітых юных артыстаў.