Прамовы і інтэрв’ю

ДПК: беларускі бок гатовы да работы ў пунктах пропуску на граніцы з Польшчай

16 лістапада, Бераставіцкі раён /Кар. БЕЛТА/. Беларускі бок гатовы да работы ў пунктах пропуску на граніцы з Польшчай. Аб гэтым заявіў журналістам прэс-сакратар Дзяржпагранкамітэта Антон Бычкоўскі, перадае карэспандэнт БЕЛТА.

"Сёння ноччу з дзвюх гадзін па мінскім часе польскі бок пасля рэканструкцыі і завяршэння інжынерных работ аднаўляе рух у двух міжнародных аўтадарожных пунктах пропуску праз дзяржаўную граніцу", - сказаў Антон Бычкоўскі.

Ён звярнуў увагу, што беларускі бок пункты пропуску не закрываў і гатовы да работы. "Усе неабходныя падрыхтоўчыя мерапрыемствы праведзены", - канстатаваў прэс-сакратар ДПК.

"Таксама сёння на граніцы ў пунктах пропуску "Брузгі" ("Кузніца Беластоцкая") і "Бераставіца" ("Баброўнікі") адбыліся сустрэчы з польскім бокам на ўзроўні начальнікаў аддзяленняў пагранкантролю і начальнікаў мытных пастоў. У ходзе сустрэч абмяркоўваліся пытанні сумеснай работы па забеспячэнні пропуску праз граніцу асоб і транспартных сродкаў, аператыўнага абмену інфармацыяй і рытмічнага функцыянавання пунктаў пропуску", - адзначыў Антон Бычкоўскі.

Паводле яго слоў, аўтамабільны транспарт, зарэгістраваны ў зонах чакання, будзе запускацца ў пункты пропуску сістэмай электроннай чаргі, рэгістрацыя ў якой пачалася загадзя сёння ў 20.00.

версія для друку

зрабіць стартавай

дабавіць у выбранае