Прамовы і інтэрв’ю

Для знаёмства з Беларуссю i яе традыцыямі. Папскі вікарый падтрымаў ідэю аб стварэнні беларускага цэнтра ў Рыме

22 кастрычніка, Мінск /Кар. БЕЛТА/. Беларускі калегіум прапанавана стварыць у Рыме. Аб гэтым ішла размова на сустрэчы беларускай каталіцкай дэлегацыі на чале з Мітрапалітам Мінска-Магілёўскай архіепархіі Рымска-каталіцкай царквы, старшынёй Канферэнцыі каталіцкіх біскупаў у Беларусі Іосіфам Станеўскім з генеральным вікарыем Рымскай дыяцэзіі кардыналам Бальдасарэ Рэйна, паведамляе БЕЛТА са спасылкай на інтэрнэт-партала Рымска-каталіцкай царквы ў Беларусі.

Беларускі бок на сустрэчы нагадаў, што ў 2026 годзе Касцёл у Беларусі будзе адзначаць 35-годдзе аднаўлення структур Каталіцкай царквы ў Беларусі, што з'яўляецца важнай датай для мясцовай супольнасці.

У сувязі з гэтым генеральнаму вікарыю Рымскай дыяцэзіі паўтарылі прапанову, выказаную ў час сустрэчы з Найсвяцейшым Айцом, - стварыць у Рыме Беларускі калегіум - куток Радзімы, мэтай якога было б знаёмства жыхароў і гасцей Вечнага Горада з Беларуссю і яе касцёльнай абшчынай.

"Размова была вельмі канструктыўнай. Папскі вікарый выказаў сваю прыхільнасць да гэтага праекта і гатоўнасць пачаць работу па стварэнні беларускага цэнтра ў Рыме", - гаворыцца ў паведамленні.

Беларускія іерархі паабяцалі пасля кансультацыі з Канферэнцыяй каталіцкіх біскупаў у Беларусі прыкласці ўсе намаганні ў гэтым напрамку для хутчэйшага стварэння Беларускага калегіума.

У ходзе сустрэчы з высокапастаўленым іерархам беларускія іерархі, якія прыбылі па яго запрашэнні, паведамілі пра візіт у Рым паломнікаў з Беларусі, якія прымуць удзел у святкаванні юбілейнага года ў Рыме 22 кастрычніка, а таксама пра сваю сустрэчу з Папам Львом XIV на прыватнай аўдыенцыі.

версія для друку

зрабіць стартавай

дабавіць у выбранае