Прамовы і інтэрв’ю

Чаму Польшча перайшла ад канфрантацыі да дыялогу? Меркаванне кіраўніка МЗС Беларусі

Фота з архiва

24 лістапада, Мінск /Кар. БЕЛТА/. Міністр замежных спраў Беларусі Максім Рыжанкоў у эфіры тэлеканала "Беларусь 1" растлумачыў, чаму Польшча перайшла ад канфрантацыі да дыялогу па пытаннях супрацоўніцтва на граніцы, паведамляе БЕЛТА.

Паводле слоў міністра, Польшча прадэманстравала Літве "жорсткі, нармальны прагматызм".

"Польшча лепш лічыць грошы, і Польшча рэальна хоча быць прадказальным партнёрам у выбудоўванні вельмі сур'ёзнага хаба на сваёй тэрыторыі - лагістычнага, транспартнага. Да чаго яны і імкнуцца", - сказаў Максім Рыжанкоў.

Ён адзначыў, што мэтай ранейшай канфрантацыі на граніцы з Беларуссю было прыцягненне залішняй увагі з боку Еўрапейскага саюза, НАТА і асноўных партнёраў па гэтых арганізацыях для атрымання значных фінансавых укладанняў - нібы на прадухіленне пагрозы з Усходу.

"Сёння рашэнні прыняты, грошы пачынаюць паступаць, асвойвацца, і Польшча цяпер памалу можа ад канфрантацыі адыходзіць да выбудоўвання дыялогу ў іншай плоскасці. Гэта вельмі прагматычныя людзі", - падкрэсліў кіраўнік МЗС.

версія для друку

зрабіць стартавай

дабавіць у выбранае