Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

21 Apr 2016

Беларусь з'яўляецца прыкладам у барацьбе з распаўсюджваннем ВІЧ/СНІД

Беларусь з'яўляецца прыкладам у барацьбе з распаўсюджваннем ВІЧ/СНІД

21 красавіка, Мінск /Кар. БЕЛТА/. Беларусь з'яўляецца прыкладам для краін рэгіёна ў барацьбе з распаўсюджваннем эпідэміі ВІЧ/СНІД. Такое меркаванне 20 красавіка на сустрэчы з міністрам замежных спраў Беларусі Уладзімірам Макеем выказаў спецыяльны пасланнік Генеральнага сакратара ААН па пытаннях барацьбы з ВІЧ/СНІД ва Усходняй Еўропе і Цэнтральнай Азіі Мішэль Казачкін. Аб гэтым БЕЛТА паведамілі ў прэс-службе беларускага МЗС.

На сустрэчы ў штаб-кватэры ААН у Нью-Ёрку бакі абмеркавалі пытанні супрацоўніцтва Беларусі і ААН у сферы барацьбы з распаўсюджваннем эпідэміі ВІЧ/СНІД. "Мішэль Казачкін адзначыў поспехі Беларусі на гэтым напрамку. Спецыяльны пасланнік ААН па ВІЧ/СНІД падкрэсліў, што Беларусь з'яўляецца прыкладам для краін рэгіёна", - праінфармавалі ў прэс-службе МЗС.

У сваю чаргу Уладзімір Макей звярнуў увагу на неабходнасць захавання праектнай дзейнасці Глабальнага фонду для барацьбы са СНІД, туберкулёзам і малярыяй у краінах з сярэднім узроўнем даходу. Міністр выказаў апасенне, што згортванне работы фонду ў такіх краінах можа прывесці да ўспышкі распаўсюджвання ВІЧ/СНІД.

Бакі таксама абмеркавалі пашырэнне міжнароднага супрацоўніцтва, перш за ўсё ў ААН, па праблеме наркотыкаў. Кіраўнік знешнепалітычнага ведамства Беларусі адзначыў, што на гэтым напрамку размова павінна ісці як аб больш глыбокай і эфектыўнай каардынацыі барацьбы з вядомымі свету наркотыкамі, так і больш аператыўным рэагаванні на з'яўленне новых псіхаактыўных рэчываў, якія ўяўляюць не меншую небяспеку.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі