Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

14 Jun 2017

Беларусь прапануе стварыць мост паміж двума буйнейшымі рынкамі на еўразійскім кантыненце

Беларусь прапануе стварыць мост паміж двума буйнейшымі рынкамі на еўразійскім кантыненце

14 чэрвеня, Мінск /Уладзімір Мацвееў - БЕЛТА/. Беларусь прапануе стварыць мост паміж двума буйнейшымі рынкамі на кантыненце і заклікае да большай падтрымкі супрацоўніцтва паміж Еўразійскім эканамічным саюзам і ЕС. Аб гэтым намеснік міністра замежных спраў Беларусі Алег Краўчанка заявіў у сваім выступленні ў час 8-га штогадовага форуму "Стратэгія ЕС у Балтыйскім рэгіёне", які праходзіць 13-14 чэрвеня ў Берліне, паведамляе БЕЛТА.

"Беларусь актыўна развівае сумяшчальнасць у больш шырокім кантэксце. З'яўляючыся ўдзельніцай Еўразійскага эканамічнага саюза і "Усходняга партнёрства", Беларусь прапануе стварыць мост паміж двума буйнейшымі рынкамі на кантыненце. Мы перакананы, што "інтэграцыя інтэграцый", як мы яе называем у Беларусі, з'яўляецца часткай натуральнага парадку рэчаў у нашым рэгіёне. Мы просім большай падтрымкі супрацоўніцтва паміж Еўразійскім эканамічным саюзам і ЕС хаця б на экспертным узроўні. Беручы пад увагу існуючыя ў ЕС цяжкасці, нестабільнасць і канфлікты ў суседніх краінах, у нашых агульных інтарэсах ператварыць наш рэгіён, рэгіён Балтыйскага мора, у куток стабільнасці, працвітання і бяспекі", - заявіў Алег Краўчанка.

Паводле яго слоў, нягледзячы на тое, што ў Беларусі няма выхаду да мора, краіна заўсёды з'яўлялася актыўным іграком у Балтыйскім рэгіёне. Цяпер, на фоне няспыннага пашырэння працэсаў эканамічнай інтэграцыі і рэгіяналізацыі, гэты рэгіён становіцца ўсё больш важным для Беларусі. Краіны ЕС, аб'яднаныя Стратэгіяй Еўрапейскага саюза ў рэгіёне Балтыйскага мора, такія як Швецыя, Данія, Эстонія, Фінляндыя, Германія, Латвія, Літва і Польшча, адыгрываюць важную ролю ў гандлёва-эканамічных адносінах Беларусі і ЕС, а таксама ўяўляюць сабой важнейшую рухаючую сілу ў працэсе мадэрнізацыі беларускай эканомікі. Яны таксама з'яўляюцца важнай крыніцай паступлення прамых замежных інвестыцый у Беларусь.

Алег Краўчанка звярнуў увагу на такія тэматычныя напрамкі, як сумяшчальнасць транспартнай інфраструктуры, ахова прыроды і супрацоўніцтва ў сферы вышэйшай адукацыі. "Гэтыя пытанні маюць асаблівае значэнне як для Беларусі, так і для краін Балтыйскага рэгіёна. Сумяшчальнасць уваходзіць у лік нашых рэгіянальных прыярытэтаў. Беларусь - даўні транспартны і энергетычны мост паміж усходняй і заходняй, паўночнай і паўднёвай Еўропай. Мы набылі вялікі вопыт у развіцці гэтага напрамку на рэгіянальным і міжнародным узроўнях", - сказаў ён.

Намеснік міністра расказаў аб мэце аднавіць старадаўні водны шлях, які стагоддзямі злучаў Балтыйскае і Чорнае моры па рэках Днепр, Прыпяць, Вісла і вёў у польскія і нямецкі парты. "Гэты калідор мае такое ж стратэгічнае значэнне для рэгіёна, як і Дунай для Цэнтральнай Еўропы. Беларускія і ўкраінскія ўчасткі шляху ўжо дзейнічаюць", - адзначыў Алег Краўчанка.

У тым жа ключы Беларусь ажыццяўляе сваё старшынства ў Цэнтральна-Еўрапейскай ініцыятыве (ЦЕІ), заклікаючы да паляпшэння сумяшчальнасці ў Вялікай Еўропе. "З гэтай мэтай плануецца інфармаваць краіны ЦЕІ аб змяненнях рэгіянальнай транспартнай і лагістычнай структуры і дапамагаць ім падрыхтавацца да гэтых працэсаў, заахвочваць эфектыўныя меры ў адказ на адпаведныя выгады і рызыкі і ўзмацніць уплыў арганізацыі ў бягучай еўрапейскай дыскусіі. На нашу думку, ЦЕІ павінна заставацца ключавым партнёрам Еўрапейскага саюза ў ажыццяўленні макрарэгіянальных стратэгій, у тым ліку Стратэгіі Еўрапейскага саюза ў рэгіёне Балтыйскага мора, і ў пашырэнні рэгіянальнай інтэграцыі", - заявіў намеснік міністра.

Ён падкрэсліў, што запуск праекта "Адзін пояс і адзін шлях" сугучны са стратэгіяй навядзення мастоў у Балтыйскім рэгіёне. Ствараемы Кітайска-беларускі індустрыяльны парк "Вялікі камень" уяўляе сабой буйнейшы кітайскі вытворчы і лагістычны вузел у Еўропе з магчымым выхадам да партоў Балтыйскага і Паўночнага мораў. "Нам вельмі хацелася б абмеркаваць магчымыя формы ўзаемавыгаднага супрацоўніцтва з кіраўніцтвам партоў Антверпена і Зебруге на сустрэчы ў Мінску ў гэтым годзе", - адзначыў Алег Краўчанка.

Гаворачы аб ролі Беларусі ў ахове навакольнага асяроддзя ў рэгіёне Балтыйскага мора, ён канстатаваў, што Беларусь мае пазітыўную гісторыю супрацоўніцтва з адпаведнымі рэгіянальнымі структурамі і міжнароднымі фінансавымі інстытутамі.

Акрамя таго, у пабудове рэгіянальнага ўзаемадзеяння ключавую ролю адыгрывае ўніфікацыя адукацыйных стандартаў і практык. "Прызнанне гэтага факта прывяло да запуску Балонскага працэсу і фарміравання Еўрапейскай прасторы вышэйшай адукацыі (ЕПВА), часткай якой з'яўляюцца ўсе нашы краіны. Беларусь - самы малады член ЕПВА. Мы зацікаўлены ў пашырэнні доступу да праектаў, накіраваных на павелічэнне мабільнасці студэнтаў, выкладчыкаў і вучоных у Балтыйскім рэгіёне", - сказаў намеснік міністра.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі