Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Прамовы і інтэрв’ю

Прамовы і інтэрв’ю

8 Dec 2017

Беларусь мае вялікі патэнцыял па папулярызацыі культурнай спадчыны на міжнароднай арэне

Беларусь мае вялікі патэнцыял па папулярызацыі культурнай спадчыны на міжнароднай арэне

8 снежня, Мір /Кар. БЕЛТА/. Беларусь мае вялікі патэнцыял па папулярызацыі культурнай спадчыны на міжнароднай арэне. Такое меркаванне выказаў 8 снежня на выязным пасяджэнні Пастаяннай камісіі Палаты прадстаўнікоў па міжнародных справах на тэму "Вывучэнне магчымасцей выкарыстання патэнцыялу гістарычнай і культурнай спадчыны для ўмацавання міжнароднага іміджу Беларусі" старшыня камісіі Валерый Варанецкі, перадае карэспандэнт БЕЛТА.

Паводле слоў дэпутата, умацаванне міжнароднага іміджу любой дзяржавы з'яўляецца важнейшай задачай яе знешняй палітыкі і дзейнасці. Гэта вытлумачальна, таму што імідж краіны мае вялікі ўплыў на яе пазіцыі і аўтарытэт на міжнароднай арэне, на дынаміку пашырэння супрацоўніцтва, магчымасцей фарміравання эканамічных, палітычных сувязей, інвестыцыйную і турыстычную прывабнасць. "Па сутнасці, іміджавыя пытанні капіталізуюцца ў рэальныя інвестыцыі, праекты. І ва ўмовах нарастання барацьбы за інвестыцыі, знешнія рынкі, мы проста абавязаны звярнуць увагу на папулярызацыю іміджу Беларусі за мяжой як краіны з глыбокімі гістарычнымі каранямі, традыцыямі дзяржаўнасці", - сказаў ён.

У апошняе дзесяцігоддзе нямала зроблена для папулярызацыі іміджу Беларусі. Праведзена шмат эканамічных форумаў, культурных і спартыўных мерапрыемстваў. Гэта садзейнічала ўмацаванню міжнароднага аўтарытэту і прыцягненню цікавасці да Беларусі. Але вялікі нявыкарыстаны патэнцыял ёсць у папулярызацыі культурнай спадчыны беларускага народа. Дэманстрацыя глыбокіх гістарычных каранёў беларускай дзяржаўнасці, яе культурнай спадчыны павінна садзейнічаць папулярызацыі іміджу краіны на міжнародным узроўні, упэўнены Валерый Варанецкі.

Паводле яго слоў, вынікам гэтага пасяджэння павінна стаць выпрацоўка рэкамендацый па пытаннях папулярызацыі іміджу Беларусі за мяжой.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі