Прамовы і інтэрв’ю
Белаконеў: Беларусь гатова паглыбляць міжармейскае супрацоўніцтва з Кітаем
13 кастрычніка, Пекін /БЕЛТА - Сіньхуа/. Беларусь гатова працаваць разам з Кітаем над паглыбленнем міжармейскага супрацоўніцтва. Аб гэтым заявіў у час сустрэчы з намеснікам старшыні Цэнтральнага ваеннага савета КНР Сюй Цылянам у Пекіне начальнік Генеральнага штаба Узброеных Сіл - першы намеснік міністра абароны Рэспублікі Беларусь Алег Белаконеў, які прыбыў у Кітай для ўдзелу ў сёмым форуме "Сяншань".
Алег Белаконеў запэўніў, што беларуска-кітайская дружба наладжана на аснове ўзаемнага даверу, супрацоўніцтва і імкнення да ўзаемнай выгады.
У сваю чаргу Сюй Цылян нагадаў, што Кітай і Беларусь з'яўляюцца блізкімі сябрамі і партнёрамі, якія аказваюць адзін аднаму ўзаемадапамогу. На гэты момант узброеныя сілы дзвюх краін захоўваюць спрыяльную тэндэнцыю развіцця абменаў. Ён выказаў надзею, што арміі Кітая і Беларусі будуць няўхільна ажыццяўляць важныя дамоўленасці, дасягнутыя лідарамі дзвюх краін, пастаянна павышаць узровень ваеннага супрацоўніцтва і такім чынам уносіць уклад у абарону дзяржаўнага суверэнітэту, бяспекі і інтарэсаў развіцця, а таксама ў захаванне міру і стабільнасці ў рэгіёне і свеце ў цэлым.
версія для друку
зрабіць стартавай
дабавіць у выбранае