У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

11 Сак 2015

Замежныя грамадзяне змогуць наведваць Белавежскую пушчу без віз

11 сакавіка, Мінск /Кар. БЕЛТА/. Замежныя грамадзяне, якія жадаюць наведаць нацыянальны парк "Белавежская пушча", змогуць знаходзіцца на тэрыторыі парку без віз тэрмінам да 3-х дзён. Адпаведны ўказ нумар 115 ад 9 сакавіка 2015 года апублікаваны на Нацыянальным прававым партале, паведамляе БЕЛТА.

Указ прыняты ў мэтах павышэння эфектыўнасці выкарыстання аб'ектаў турыстычнай інфраструктуры нацыянальнага парку "Белавежская пушча" і далейшага развіцця трансгранічнага турызму. Скарыстацца бязвізавым рэжымам замежныя грамадзяне змогуць праз пункт пропуску "Перароў - Белавежа".

Падставай для бязвізавага ўезду ў Рэспубліку Беларусь, выезду з Рэспублікі Беларусь у пункце пропуску і часовага знаходжання на тэрыторыі нацыянальнага парку да 3-х сутак з'яўляецца дакумент, які прадастаўляе замежнаму грамадзяніну права на наведванне нацыянальнага парку.

Замежны грамадзянін, які мае намер наведаць нацыянальны парк, пры бязвізавым уездзе ў Рэспубліку Беларусь і выездзе з Рэспублікі Беларусь у пункце пропуску абавязаны прад'явіць сапраўдны дакумент для выезду за мяжу і дакумент, які прадастаўляе права на наведванне нацыянальнага парку.

Савету Міністраў, згодна з указам, у трохмесячны тэрмін неабходна распрацаваць і зацвердзіць форму дакумента, які прадастаўляе замежнаму грамадзяніну права на наведванне нацыянальнага парку, вызначыць парадак наведвання нацыянальнага парку замежнымі грамадзянамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс