Падзеі, факты, анонсы

За сем месяцаў 2025 года загрузка гасцініц Мінска склала 67,2 працэнта

Фота з архiва

26 жніўня, Мінск /Кар. БЕЛТА/. За студзень - ліпень 2025 года сярэдняя загрузка гасцініц сталіцы склала 67,2 працэнта, што на 7,4 працэнта вышэй за ўзровень аналагічнага перыяду мінулага года. Аб гэтым паведаміў дырэктар дзяржаўнай установы "Інфармацыйна-турысцкі цэнтр "Мінск" Аляксей Русакевіч у час прэс-канферэнцыі "Развіццё гасцінічнай сферы і сферы гасціннасці Мінска. Папярэднія вынікі вясенне-летняга турыстычнага сезона і планы на перспектыву", перадае карэспандэнт БЕЛТА.

"У 2024 годзе сярэдняя загрузка гасцініц горада дасягнула 60,9 працэнта, што на 8,5 працэнта вышэй за паказчык 2023 года. У гасцініцах і аналагічных сродках размяшчэння сталіцы ў мінулым годзе было размешчана больш за 1 млн чалавек, - адзначыў спікер. Попыт на пражыванне ў гасцініцах фарміруецца ў асноўным за кошт замежных турыстаў. Іх доля традыцыйна перавышае 70 працэнтаў. Так, па выніках 2024 года ў гасцініцах Мінска яна склала 73,3 працэнта".

Найбольшая колькасць гасцей прыбыла з Расійскай Федэрацыі, Кітая, Латвіі, Літвы і Узбекістана. Адзначаецца, што дасягнутыя паказчыкі з'яўляюцца самымі высокімі за апошнія 10 гадоў.

версія для друку

зрабіць стартавай

дабавіць у выбранае