Падзеі, факты, анонсы

XXIX Фестываль "Музы Нясвіжа" збярэ аматараў мастацтва 24 мая

Фота з архiва

23 мая, Мінск /Кар. БЕЛТА/. XXIX Фестываль "Музы Нясвіжа" збярэ аматараў мастацтва 24 мая. Аб гэтым карэспандэнту БЕЛТА паведамілі ў аддзеле ідэалагічнай работы, культуры і па справах моладзі Нясвіжскага райвыканкама.

Горад Нясвіж і заслужаны калектыў Рэспублікі Беларусь "Нацыянальны акадэмічны аркестр сімфанічнай і эстраднай музыкі Рэспублікі Беларусь імя М.Я.Фінберга" 29-ы раз запросяць аматараў мастацтва на фестываль "Музы Нясвіжа". У гэтым сезоне праграма фестывалю прымеркавана да 80-годдзя Вялікай Перамогі.

"У рамках свята адбудзецца канцэртная праграма "Галасы аркестра", якая пройдзе ў 10.00 у Нясвіжскай гарадской ратушы. У 12.00 фестываль запросіць у тэатральную залу палацава-паркавага ансамбля на канцэрт "Музыка памяці". "Музыка душы" пройдзе ў 14.00 у касцёле і будзе прысвечана 340-годдзю з дня нараджэння І.С.Баха. А ў 17.00 гасцей старадаўняга Нясвіжа чакаюць у раённым цэнтры культуры на праграму "Са святам, Беларусь!", - паведамілі ў аддзеле ідэалагічнай работы, культуры і па справах моладзі.

версія для друку

зрабіць стартавай

дабавіць у выбранае