Падзеі, факты, анонсы

Хакейная каманда Прэзідэнта згуляла ўнічыю з брастаўчанамі ў матчы РХЛ

27 снежня, Мінск /Кар. БЕЛТА/. Каманда Прэзідэнта Беларусі згуляла ўнічыю ў другім матчы Рэспубліканскай хакейнай лігі (РХЛ), паведамляе карэспандэнт БЕЛТА.

Сёння на лёдзе "Алімпік-Арэны" ў Мінску дружына кіраўніка дзяржавы не здолела адолець хакеістаў Брэсцкай вобласці - 5:5 (2:1, 1:2, 2:2).

Гульня пачалася даволі нечакана - мінула ўсяго 5 мінут, а госці ўжо вырваліся наперад пасля кідку Віктара Вусіка. Дзеючыя чэмпіёны РХЛ не разгубіліся і ў хуткім часе іх капітан Алег Антоненка ўсталяваў раўнавагу ў ліку, а незадоўга да першага перапынку Мікіта Драздоў пасля дакладнай перадачы Мікалая Лукашэнкі вывеў гаспадароў наперад - 2:1. Ледзь пачаўся другі перыяд, як Яраслаў Чупрыс трэці раз паразіў вароты сапернікаў. Аднак на другі перапынак каманды пайшлі пры роўным рахунку - у складзе брастаўчан вызначыліся Аляксандр Бурмістронак і Сяргей Плоскаў. У заключнай трэці матчу сапернікі змагаліся за перамогу з усіх сіл. Спачатку Аляксандр Караткевіч зноў вывеў гасцей наперад, потым Арцём Антоненка зраўнаваў лік, за 7 мінут да заканчэння трэцяга перыяду Мікалай Мірончык закінуў пятую шайбу ў вароты прэзідэнцкай дружыны і ўсё ішло да перамогі гасцей. Але яны не здолелі ўтрымаць пераможны лік - літаральна за тры дзясятыя секунды да фінальнай сірэны Мікалай Лукашэнка ўстанавіў канчатковы рэзультат - 5:5 і быў прызнаны лепшым іграком у складзе гаспадароў. У брастаўчан лепшым стаў галкіпер Вадзім Бойка.

Пасля двух паядынкаў новага сезона каманда Прэзідэнта набрала тры ачкі, у першай сустрэчы яна ўпэўнена перамагла сапернікаў з Магілёўскай вобласці з лікам 9:3. Цяпер турнірную табліцу ўзначальвае каманда Гомельскай вобласці, у актыве якой 6 ачкоў у чатырох праведзеных сустрэчах.

У мінулым сезоне каманда Прэзідэнта 16-ы раз стала пераможцам гэтых спаборніцтваў, перамогшы ў фінальнай серыі хакеістаў Мінскай вобласці. Па аднаму тытулу ў зборных Гомельскай і Мінскай абласцей.

Арганізатары хакейнага аматарскага турніру - Прэзідэнцкі спартыўны клуб, Міністэрства спорту і турызму і Мінскі гарадскі выканаўчы камітэт.

версія для друку

зрабіць стартавай

дабавіць у выбранае