Падзеі, факты, анонсы
Выстаўка "Беларусы.by" адкрыецца 6 лютага ў Санкт-Пецярбургу
3 лютага, Масква /Эдуард Півавар - БЕЛТА/. Выстаўка "Беларусы.by" адкрыецца 6 лютага ў Санкт-Пецярбургу ў Расійскім этнаграфічным музеі. Яна арганізавана Нацыянальным гістарычным музеем Беларусі, паведамілі БЕЛТА ў прэс-службе пасольства Беларусі ў Расіі.
Экспазіцыя сканцэнтруе ўвагу на тых асаблівасцях матэрыяльнай культуры, якія з'яўляюцца характэрнымі для нацыянальнай ідэнтыфікацыі беларусаў. Будуць прадстаўлены дасягненні нацыянальнай гісторыі, традыцый, матэрыяльнай і духоўнай культуры Беларусі на прыкладзе матэрыялаў этнаграфічных даследаванняў, якія праводзіліся супрацоўнікамі музея ў ХХ стагоддзі. Дамінантай выстаўкі стане экспанаванне народнага адзення як найбольш яркай часткі матэрыяльна-культурнай спадчыны беларускага народа і вырабаў хатніх рамёстваў і промыслаў: ткацтва, вышыўкі, карункапляцення, разьбы па дрэве, ганчарства.
Цеснае супрацоўніцтва паміж Нацыянальным гістарычным музеем Беларусі і Расійскім этнаграфічным музеем працягваецца ўжо больш за пяць гадоў. Выстаўка "Беларусы.by" стане трэцім сумесным праектам.
Выстаўка "Беларусы.by" будзе працаваць у Санкт-Пецярбургу да 22 сакавіка
версія для друку
зрабіць стартавай
дабавіць у выбранае