Падзеі, факты, анонсы
Вікторыя Азаранка выйшла ў чвэрцьфінал тэніснага турніру ў Маямі
29 сакавіка, Мінск /Кар. БЕЛТА/. Беларуская тэнісістка Вікторыя Азаранка прадаўжае атрымліваць перамогі на турніры катэгорыі "Прэм'ер" у амерыканскім Маямі (прызавы фонд - $6,1 млн), паведамляе карэспандэнт БЕЛТА.
Сёння ў паядынку 1/8 фіналу Азаранка, якая займае 8-е месца ў сусветным рэйтынгу, узяла верх над чацвёртай ракеткай планеты іспанкай Гарбін Мугуруза ў двух сэтах на тай-брэйках - 7:6 (8:6), 7:6 (7:4). Для перамогі Вікторыі Азаранка спатрэбілася 2 гадзіны 11 мінут.
Да гэтага Вікторыя Азаранка перамагла пуэртарыканку Моніку Пуіг (67-ы нумар рэйтынгу ВТА) - 6:2, 6:4 і польскую тэнісістку Магду Лінет (110) - 6:3, 6:0.
У чвэрцьфінале саперніцай Вікторыі Азаранка будзе брытанская тэнісістка Джаана Конта (23). Вікторыя Азаранка двойчы перамагала на кортах Маямі - у 2009 і 2011 гадах.
У мужчынскім парным разрадзе беларус Максім Мірны і філіпінец Трэт Х'юі прабіліся ў чвэрцьфінал, дзе іх сапернікамі будуць амерыканцы Джон Ізнер і Нікалас Манро.
Турнір у Маямі завершыцца 3 красавіка.
версія для друку
зрабіць стартавай
дабавіць у выбранае