Падзеі, факты, анонсы
Вікторыя Азаранка правяла трэніроўку ў "Лужніках"
14 красавіка, Мінск /Кар. БЕЛТА/. Пятая ракетка свету і лідар жаночай зборнай Беларусі па тэнісе Вікторыя Азаранка правяла трэніроўку на корце Малой арэны спартыўнага комплексу "Лужнікі", паведаміла карэспандэнту БЕЛТА прэс-сакратар Беларускай тэніснай федэрацыі Кацярына Лісіца.
Вікторыя Азаранка раней пацвердзіла свой удзел у плэй-оф Сусветнай групы Кубка Федэрацый паміж нацыянальнымі жаночымі зборнымі Расіі і Беларусі. Аднак за апошнія суткі многія прадстаўнікі расійскіх СМІ выказалі сумненне: ці прыме мінчанка ўдзел у гульнях у Маскве? Падставай стаў факт, што Вікторыя Азаранка не ўдзельнічала ў афіцыйнай прэс-канферэнцыі зборнай, якая адбылася 13 красавіка. Аднак усе сумненні былі развеяны са з'яўленнем сёння Вікі на грунтавым корце ў "Лужніках", дзе яна правяла трэніроўку.
Матч плэй-оф Сусветнай групы Кубка Федэрацый паміж нацыянальнымі жаночымі зборнымі Расіі і Беларусі адбудзецца 16-17 красавіка ў Маскве. На маючую адбыцца сустрэчу ў камандзе Беларусі акрамя Вікторыі Азаранка заяўлены Вольга Гаварцова (99-ы нумар рэйтынгу), Аляксандра Сасновіч (100-ы нумар), Арына Сабаленка (257-я пазіцыя ў рэйтынгу WTA).
Раней у Кубку Федэрацый расіянкі і беларускі сустракаліся тройчы. Нашы суайчынніцы вядуць у ліку 2:1, атрымаўшы перамогу ў 1995 і 1996 гадах.
версія для друку
зрабіць стартавай
дабавіць у выбранае