Падзеі, факты, анонсы

"Сёння быў мой самы цяжкі бой і мая лепшая перамога. Наш сын нарадзіўся здаровым і шчаслівым! Вельмі ўдзячная і шчаслівая! Дзякуй!" - гаворыцца ў паведамленні.

Запіс з'явіўся сёння ў 5.10 раніцы.

Аб тым, што Вікторыя Азаранка цяжарная, стала вядома 15 ліпеня. Пра будучую прыемную падзею яна таксама паведаміла паклоннікам праз сацсеткі. У сваім звароце да фанатаў двухразовая чэмпіёнка турніраў "Вялікага шлема" сказала тады аб тым, што яна і яе малады чалавек вельмі рады гэтаму факту і рыхтуюцца да новага этапу ў іх жыцці.

Таксама Вікторыя Азаранка запэўніла, што не збіраецца пакідаць спорт, а наадварот, натхнёная гісторыямі іншых жанчын-спартсменак, якія пасля нараджэння дзяцей дасягалі яшчэ большых вышынь у сваёй прафесійнай кар'еры, і хоча зрабіць тое ж самае. Яна падзякавал ўсім за падтрымку, паколькі для яе гэта шмат значыць.