У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

4 Ліп 2017

Вікторыя Азаранка і Арына Сабаленка выйшлі ў 1/32 фіналу Уімблдонскага турніру

Вікторыя Азаранка і Арына Сабаленка выйшлі ў 1/32 фіналу Уімблдонскага турніру4 ліпеня, Мінск /Кар. БЕЛТА/. Дзве беларускія тэнісісткі Вікторыя Азаранка і Арына Сабаленка пераможна стартавалі на Уімблдонскім турніры, паведамляе карэспандэнт БЕЛТА.

Вікторыя Азаранка, якая займае цяпер 683-е месца ў рэйтынгу WTA, упэўнена перамагла амерыканку Кэтрын Беліс, у якой 40-я пазіцыя ў сусветным рэйтынгу, - 3:6, 6:2, 6:1. Спачатку ў Вікторыі абсалютна нічога не атрымлівалася, і яна ўступіла ў чатырох геймах запар. Пасля гэтага беларуска змагла сабрацца і ўзяла дзве падачы запар - саперніцы і сваю, скараціўшы разрыў у ліку - 2:4. Затым тэнісісткі ўзялі па ачку на сваіх падачах, а ў 9-м гейме Вікторыя мела 4 брэйк-пойнты, але не змагла дабіцца поспеху, уступіўшы першы сэт 3:6. Другая партыя пачалася з бліскучай атакуючай гульні Азаранка, якая павяла ў ліку 3:0. Прайграўшы наступны гейм, Віка прадаўжала дыктаваць свае ўмовы і ў выніку выйграла гэту партыю 6:2. У трэцім, вырашальным сэце Азаранка адразу пайшла ў адрыў - 4:0, затым прайграла гейм на падачы амерыканкі, але потым зноў узяла кіраванне ў свае рукі і выйграла 6:1. Сустрэча доўжылася 1 гадзіну 45 мінут. У 1/32 фіналу Вікторыя Азаранка сустрэнецца з расійскай тэнісісткай Яўгеніяй Весніной (16).

Дэбютантка асноўнай сеткі турніраў серыі "Вялікага шлема" Арына Сабаленка (136) таксама выйшла ў 2-і раунд, упэўнена атрымаўшы перамогу над расіянкай Ірынай Храмачовай (110) - 6:3, 6:4. Наступнай саперніцай Арыны будзе нямецкая тэнісістка Карына Вітхефт (65).

Яшчэ адна беларуска Аляксандра Сасновіч (89) вельмі няроўна правяла сустрэчу з 13-й ракеткай планеты Аленай Астапенка з Латвіі. Першы сэт беларуска поўнасцю ўступіла - 0:6, затым упэўнена ўзяла другі сэт - 6:1, а ў вырашальнай партыі прайграла 3:6 і завяршыла выступленне на траве Усеанглійскага лаўн-тэніснага клуба.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс