У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

1 Врс 2016

Вялікі тэатр Беларусі пакажа ў новым сезоне шэсць прэм'ерных пастановак

2 верасня, Мінск /Вікторыя Апанасёнак - БЕЛТА/. Нацыянальны акадэмічны Вялікі тэатр оперы і балета Беларусі пакажа ў новым сезоне шэсць прэм'ерных пастановак. Аб гэтым паведаміў 1 верасня ў час прэс-канферэнцыі генеральны дырэктар Вялікага тэатра Уладзімір Грыдзюшка, перадае карэспандэнт БЕЛТА.

Новы, 84-ы сезон стартуе 4-5 верасня прэм'ерай оперы "Вяселле Фігара", якая прымеркавана да 260-годдзя з дня нараджэння Вольфганга Амадэя Моцарта. Ужо больш за два стагоддзі "Вяселле Фігара" належыць да безумоўных оперных хітоў і ўваходзіць у першую дзясятку самым папулярных опер свету.

У час сезона можна будзе ўбачыць шэдэўр балетнага мастацтва - "Пахіта" Людвіга Мінкуса і геніяльнага харэографа Марыуса Петыпа. Таксама артысты балета разам з харэографам Аляксандрай Ціхаміравай працуюць ужо над аднаактовым балетам "Санеты" Пітэра Уорлака і Ралфа Воан-Уільямса. Яго прэм'ера адбудзецца 1 снежня. Затым тэатр прадставіць новую сцэнічную рэдакцыю оперы "Тоска" Джакама Пучыні.

"У сакавіку па-новаму загучыць "Чароўная флейта". Шэдэўр Моцарта ставіць вядомы еўрапейскі рэжысёр і прадзюсар Ханс-Іаахім Фрай. Летам у час грандыёзнага праекта "Балетнае лета ў Вялікім" гледачоў чакае і прэм'ера балета Міхаіла Крылова "Ор і Ора". У чэрвені зоркі Вялікага тэатра зноў прыедуць у Нясвіж, каб на працягу некалькіх дзён радаваць публіку ў замку Радзівілаў", - адзначыў генеральны дырэктар.

Як паведамлялася, у складзе пастановачнай групы прэм'ернага спектакля "Вяселле Фігара" - дырыжор-пастаноўшчык Вялікага тэатра Беларусі Алег Лясун, хормайстар народная артыстка Беларусі Ніна Ламановіч, расійскія мастакі Алег Скудар, які адказвае за сцэнаграфію, і мастак па касцюмах Вольга Ашкала. У спектаклі прымаюць удзел вядучыя салісты оперы, артысты хору і аркестра Вялікага тэатра Беларусі.

Рэжысёр-пастаноўшчык - галоўны рэжысёр маскоўскага Камернага музычнага тэатра імя Б.А. Пакроўскага Міхаіл Кісляроў. На яго думку, "Вяселле Фігара" не мае патрэбы ў неадназначных рэжысёрскіх варыянтах, у ім дастаткова таго, што асацыіруецца з жыццём. "У нашы дні можна і трэба гаварыць аб актуальнасці музыкі Моцарта, таму што ён гаворыць аб вечных праблемах. І яго музыка - сімфанічная, інструментальная, оперная - да гэтага часу кранае сэрцы. Менавіта тое, што хвалюе, сучасна, і гэта, несумненна, пра Моцарта", - лічыць Міхаіл Кісляроў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс