Падзеі, факты, анонсы

Велікодныя выстаўкі-кірмашы пройдуць у Мінску 3 і 4 мая

Фота з архiва

3 мая, Мінск /Кар. БЕЛТА/. Напярэдадні свята 3 і 4 мая ў гандлёвых цэнтрах "Першы нацыянальны гандлёвы дом" і "Сталіца" пройдуць велікодныя кірмашы, у якіх прымуць удзел буйнейшыя сталічныя і рэспубліканскія арганізацыі гандлю і прамысловасці, паведамілі БЕЛТА ў прэс-службе Мінгарвыканкама.

Можна будзе набыць шырокі асартымент прадукцыі - ад традыцыйных велікодных сувеніраў, падарункаў, упрыгажэнняў для дома і стала да прадукцыі беларускіх кулінараў і кандытараў, якая палюбілася ўжо. Для мінчан і гасцей сталіцы падрыхтавалі забаўляльную праграму, дэгустацыі. Так, у ГЦ "Сталіца" ў цэнтральным атрыуме 3 мая з 16.00 і 4 мая з 12.00 пройдзе канцэрт з удзелам маладых талентаў і зорак беларускай эстрады.

А наведвальнікі Першага Нацыянальнага гандлёвага дома змогуць не толькі набыць падарункі да хрысціянскага свята, але і паўдзельнічаць у майстар-класах па дэкарыраванні велікодных яек, роспісу імбірных пернікаў, вырабе кветак з масцікі і роспісу гіпсавых фігурак. Яны пройдуць у пятніцу, 3 мая, з 11.00 да 16.00.

Таксама пройдзе конкурс велікоднай выпечкі "Булка Першага Нацыянальнага гандлёвага дома", у якім прымуць удзел больш за 40 прадпрыемстваў. Адкрыццё запланавана 3 мая ў 12.00.

Пераможцу конкурсу вызначаць пакупнікі і госці гандлёвага цэнтра. За велікодную выпечку, якая спадабалася, можна будзе прагаласаваць з 10.00 да 20.00 у першы дзень работы кірмашу. Пераможцу аб'явяць 4 мая ў час свята "Дзень радыё", якое таксама пройдзе на пляцоўцы Першага Нацыянальнага гандлёвага дома.

Кірмашы пройдуць 3 мая з 10.00 да 20.00, 4 мая - з 10.00 да 16.00.

версія для друку

зрабіць стартавай

дабавіць у выбранае