Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

12 Dec 2016

Вечар беларускага дакументальнага кіно прайшоў у Каіры

12 снежня, Мінск /Кар. БЕЛТА/. Пасольства Беларусі ў Егіпце правяло ў Каіры вечар беларускага дакументальнага кіно, паведамілі БЕЛТА ў дыпламатычным прадстаўніцтве.

У вечары прынялі ўдзел прадстаўнікі егіпецкіх органаў дзяржаўнага кіравання, грамадскіх арганізацый і дыпламатычнага корпуса. На суд гледачоў былі прадстаўлены фільмы "Павел Сухой. Узлётная паласа" і "Гарады Беларусі. Гродна", якія з непадробленай цікавасцю і шчырым захапленнем успрыняты публікай.

"Сюрпрызам для многіх стала беларускае паходжанне знакамітага авіяканструктара, аднаго з заснавальнікаў рэактыўнай і звышгукавой авіяцыі Паўла Сухога, - адзначылі ў пасольстве Беларусі. - Маляўнічыя віды, гістарычнае і архітэктурнае багацце старажытнага горада Гродна настолькі ўразілі гледачоў, што многія сур'ёзна цікавіліся пытаннямі, звязанымі з арганізацыяй турыстычнай паездкі ў Беларусь".

Замежныя паслы, якія прысутнічалі на мерапрыемстве, акрэдытаваныя ў Егіпце, адзначылі высокі прафесійны ўзровень беларускага дакументальнага кінематографа, цікавую манеру апавядання і падачы матэрыялу, а таксама душэўную атмасферу самога мерапрыемства.

Пасольства плануе прадоўжыць знаёмства егіпецкай публікі і дыпламатычнага корпуса з беларускім дакументальным кіно ў час цыкла тэматычных паказаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі