Падзеі, факты, анонсы

Васілеўскі і Эрліх выйшлі ў фінал парнага разраду тэніснага турніру ў Манпелье

Андрэй Васілеўскі. Фота з архіва

26 лютага, Мінск /Кар. БЕЛТА/. Беларускі тэнісіст Андрэй Васілеўскі і ізраільцянін Ёнатан Эрліх выйшлі ў фінал парнага разраду турніру ў французскім Манпелье, паведамляе карэспандэнт БЕЛТА.

Сёння ў паўфінале яны перамаглі амерыканскі дуэт Натаніэль Ламос / Джэксан Уітрау - 7:6 (10:8), 6:4. У першым крузе Васілеўскі і Эрліх узялі верх над індыйска-славацкім дуэтам Дзівідж Шаран / Ігар Зеленай - 7:5, 6:3, а ў чвэрцьфінале перамаглі нідэрландска-шведскі тандэм Давід Пел / Андрэ Гарансан - 6:4, 4:6, 10:7.

У чвэрцьфінале адзіночнага разраду сапернікам Ягора Герасімава (83) будзе іспанскі тэнісіст Алехандра Давідовіч-Фокіна (56). У першым раўндзе беларус перамог былога лідара сусветнага рэйтынгу брытанца Эндзі Марэя (121) - 7:6 (10:8), 6:1, а потым абыграў славенца Альяжа Бедэне (60) - 6:4, 7:6 (7:4).

Турнір у Манпелье завершыцца 28 лютага.

версія для друку

зрабіць стартавай

дабавіць у выбранае