30 кастрычніка, Мінск /Кар. БЕЛТА/. Усебеларуская сустрэча каталіцкіх свяшчэннікаў пройдзе ў Чырвоным касцёле (касцёле святых Сымона і Алены) у Мінску 15 лістапада, паведамілі БЕЛТА ў Рымска-каталіцкай царкве (РКЦ) у Беларусі.
Сустрэча будзе прысвечана завяршэнню Года веры, а яе дэвізам стане
Lumen fidei - fidelitas sacerdotalis (лат. - Святло веры - святарская вернасць). У праграме гэтага маштабнага форуму каталіцкіх свяшчэннікаў Беларусі як традыцыйныя богаслужэнні і выступленні іерархаў, так і нефармальная сустрэча за кубкам чаю. Акрамя таго, будуць праведзены круглыя сталы, прысвечаныя кананічнаму праву, супрацоўніцтву свяшчэннікаў і людзей, якія не маюць духоўнага звання, рабоце са СМІ, дабрачыннасці і г.д.Такая сустрэча свяшчэннікаў будзе праходзіць у Беларусі другі раз. Да гэтага яе арганізоўвалі ў 2009 годзе. Месцам яе правядзення таксама быў Чырвоны касцёл.
Пн | Аўт | Сер | Чцв | Пт | Сб | Нядз |
---|