У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

25 Сак 2015

У садзе Праведнікаў народаў свету ў Іерусаліме ўвекавечаны імёны дзвюх барысаўчанак

25 сакавіка, Мінск /Аліна Грышкевіч - БЕЛТА/. У Іерусаліме ў садзе Праведнікаў народаў свету на сцяне памяці, прысвечанай Беларусі, урачыста адкрыта мемарыяльная таблічка з імёнамі Алены Варотчык і Ефрасінні Гранко, паведамілі БЕЛТА ў прэс-службе МЗС.

Гэта падзея адбылася ў музеі халакосту "Яд Вашэм" у час цырымоніі ўручэння памятнага медаля і граматы сваякам Алены Варотчык і яе маці Ефрасінні Гранко, жыхарак Барысава. У 2012 годзе абедзвюм беларускім жанчынам было прысвоена ганаровае званне Праведнік народаў свету, якога яны ўдастоіліся за выратаванне ў гады Вялікай Айчыннай вайны жыцця яўрэя Якава Мейлехса.

На мерапрыемстве прысутнічалі родныя і блізкія праведніц, Надзвычайны і Паўнамоцны Пасол Беларусі ў Ізраілі Уладзімір Скварцоў, кіраўніцтва ізраільскага музея і прадстаўнікі мясцовай грамадскасці. У сваім выступленні пасол Беларусі адзначыў важнасць і актуальнасць дзеянняў, накіраваных на захаванне праўды аб падзеях Вялікай Айчыннай вайны. Ён падкрэсліў значэнне подзвігу людзей, якія ўдзельнічалі ў выратаванні жыццяў, рызыкуючы сваім жыццём. Завяршылася афіцыйная цырымонія ў садзе Праведнікаў народаў свету, дзе на Сцяне памяці і была ўрачыста адкрыта мемарыяльная таблічка з імёнамі дзвюх беларускіх жанчын.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс