Падзеі, факты, анонсы

У гонар афіцыйнага візіту Лукашэнкі вуліца ў сталіцы М'янмы атрымала назву, звязаную з Беларуссю

28 лістапада, Нейп'ідо /Кар. БЕЛТА/. У гонар афіцыйнага візіту Прэзідэнта Беларусі Аляксандра Лукашэнкі ў М'янму адной з вуліц горада Нейп'ідо прысвоілі назву "Мінская", перадае карэспандэнт БЕЛТА.

Працягласць вуліцы, якая атрымала назву, звязаную з Беларуссю, складае тры з паловай кіламетры. Тут знаходзяцца вялікі гандлёвы цэнтр, будынкі банкаў, парк.

На ўрачыстай цырымоніі адкрыцця старшыня "Беллегпрама" Надзея Лазарэвіч у размове з журналістамі адзначыла, што і ў Мінску можа з'явіцца месца, якое будзе нагадваць пра ўзаемаадносіны Беларусі і М'янмы. "Мы будзем прадаўжаць адносіны з кіраўніцтвам горада, падтрымліваючы яго ў эканамічным і культурным планах", - дадала яна.

Як паведамлялася БЕЛТА, Прэзідэнт Беларусі Аляксандр Лукашэнка 27-28 лістапада знаходзіцца з афіцыйным візітам у М'янме. Кіраўнік беларускай дзяржавы і выконваючы абавязкі Прэзідэнта Рэспублікі Саюз М'янма, старшыня Камісіі нацыянальнай бяспекі і міру Мін Аун Хлайн абмяркуюць перспектыўныя напрамкі двухбаковага ўзаемадзеяння і рэалізацыю сумесных праектаў. Размова ў тым ліку пойдзе аб развіцці супрацоўніцтва ў галіне сельскай гаспадаркі і забеспячэння харчовай бяспекі, прамысловасці, фармацэўтыкі.

У перагаворным парадку дня таксама значны блок пытанняў у сферы гуманітарнага супрацоўніцтва.

версія для друку

зрабіць стартавай

дабавіць у выбранае