Падзеі, факты, анонсы

Турпаток у Беларусь з Расіі максімальна высокі

Фота з архiва

27 ліпеня, Мінск /Кар. БЕЛТА/. Турпаток у Беларусь з Расіі максімальна высокі. Аб гэтым заявіў журналістам старшыня праўлення Рэспубліканскага саюза турыстычнай індустрыі Піліп Гулы на палях міжнароднага турыстычнага форуму "Час падарожнічаць па Саюзнай дзяржаве", перадае карэспандэнт БЕЛТА.

"Турпаток у Беларусь з Расіі максімальна высокі, - адзначыў Піліп Гулы. - У нас каласальна развіта лагістыка. Самастойных і арганізаваных турыстаў неймаверная колькасць. Іх цяжка падлічыць з-за адсутнасці граніцы і ў цэлым з-за статыстычных нюансаў. Месцаў свабодных няма, глыбіня продажаў вельмі вялікая. Нам патрэбна развіццё інфраструктуры, размеркаванне, развядзенне патокаў у сезон. Гэта складаная работа".

Паводле слоў Піліпа Гулага, праводзіцца аналіз сітуацыі, і асноўныя намаганні ў беларуска-расійскім супрацоўніцтве ў сферы турызму павінны быць сканцэнтраваны якраз на вырашэнні гэтых задач. "Наша галіна пасталела за 30 гадоў. Ёй патрабуюцца фінансавыя інструменты, кіраўніцкія рашэнні, кадры. У турызме вучыцца "за партай" добра, але ў асноўным трэба вучыцца на вытворчасці - у гасцініцах, рэстаранах", - лічыць ён.

Таксама старшыня праўлення адзначыў важнасць комплекснага падыходу ў рэалізацыі праектаў, развіцці турыстычных лакацый.

Фота belarustourism.by

Асобна Піліп Гулы спыніўся на стварэнні пляцовак для летняга і актыўнага адпачынку, экасцежак. "У нашай краіне патэнцыял вельмі вялікі. Ёсць лакальныя ініцыятывы, але патрэбны генеральны план, структураванне зямель, падыходаў. Мясцовае насельніцтва павінна быць далучана, каб зарабляць. Адпаведна, нехта павінен вучыць, як гэта рабіць. Патрэбны доступ да фінансавых рэсурсаў, праграм", - звярнуў увагу Піліп Гулы.

Усе гэтыя пытанні абмяркоўваюцца на форуме, які з'явіўся ў развіццё праекта "Пара падарожнічаць па Расіі" і прызначаны стаць пляцоўкай для абмену вопытам, паспяховымі практыкамі. У Мінск прыехалі прадстаўнікі 38 рэгіёнаў Расіі. Арганізатары разлічваюць, што мерапрыемства стане штогадовым і будзе праходзіць у розных рэгіёнах краіны.

Піліп Гулы адзначыў, што не толькі Беларусь папулярны напрамак у расіян, але і беларусы актыўна падарожнічаюць па Расіі. Прычым пашыраецца геаграфія. Сярод найбольш наведвальных мясцін - Масква, Санкт-Пецярбург, паўднёвыя рэгіёны, куды едуць на пляжны адпачынак, Карэлія, Казань. Адкрыты рэйсы з Мінска ў Махачкалу і Мінеральныя Воды. Таксама даступны беларусам круізы па рэках Расіі.

версія для друку

зрабіць стартавай

дабавіць у выбранае