Падзеі, факты, анонсы

19 снежня, Мінск /Кар. БЕЛТА/. У Мінску 20 снежня адбудзецца цырымонія падняцця сцяга Міністэрства замежных спраў Беларусі. Яна пройдзе на пляцоўцы перад будынкам МЗС, паведамілі БЕЛТА ў прэс-службе беларускага знешнепалітычнага ведамства.

Ва ўрачыстым мерапрыемстве прыме ўдзел міністр замежных спраў Уладзімір Макей, ганаровыя госці і ветэраны дыпслужбы, кіраўніцтва і супрацоўнікі міністэрства, прадстаўнікі дыпламатычнага корпуса, акрэдытаванага ў Беларусі.

Афіцыйныя геральдычныя сімвалы МЗС, у ліку якіх сцяг, былі заснаваны ўказам нумар 411 ад 16 кастрычніка 2018 года. Яго прыняцце накіравана на захаванне і развіццё традыцый беларускай дыпламатыі, павышэнне прэстыжу дыпламатычнай службы.