5 верасня, Мінск /Кар. БЕЛТА/. Адзінаццаты Тыдзень беларускай кухні адбудзецца ў Мінску з 5 па 11 верасня. Аб гэтым БЕЛТА паведаміла прэс-сакратар галоўнага ўпраўлення спажывецкага рынку Мінгарвыканкама Настасся Прымака.
У кулінарных спаборніцтвах прымаюць удзел каля 100 аб'ектаў грамадскага харчавання.
У пералік страў, прапанаваных на Тыдні беларускай кухні, увайшлі рулет курыны з маласольнымі агуркамі
(Br3 руб. 5 кап.), гарбузовы суп з курыцай і грэнкамі (Br3 руб. 5 кап.), цыбрыкі са сметанкова-грыбным соусам (Br5), мяса з паляўнічым соусам і печанай агароднінай (Br9), сырнікі з ягадным соусам (Br3).Па ініцыятыве галоўнага ўпраўлення спажывецкага рынку Мінгарвыканкама Тыдні беларускай кухні праходзяць у Мінску па правіле: адзіная рэцэптура, тэхналогія і цана незалежна ад тыпу і класа аб'екта.