Падзеі, факты, анонсы

Цэнтр пляжных відаў спорту адкрыўся ў Мінску

20 студзеня, Мінск /Кар. БЕЛТА/. На тэрыторыі САК "Алімпійскі" адбылася цырымонія адкрыцця Цэнтра пляжных відаў спорту "Пясчаная дзюна", паведамляе карэспандэнт БЕЛТА.

Будаўніцтва аб'екта доўжылася 18 месяцаў. У цэнтры прадугледжаны розныя трансфармацыі поля для гульні за кошт вертыкальных сістэм падзелу залы, а таксама ўстаноўленых у пяску траўмабяспечных гільзаў з крыжавінамі для размяшчэння спартыўнага абсталявання. Поле для гульні запоўнена кварцавым пяском ПКФ 0,8 вытворчасці філіяла "Гомельскі горна-абагачальны камбінат" ААТ "Гомельшкло" з сістэмай падагрэву пад пляцоўкамі для гульні.

"Гістарычная падзея для нашага спорту, паколькі гэта першы такі аб'ект у Беларусі. Наша зборная па пляжным футболе заслужыла такія ўмовы. Цэнтр пабудаваны ў рэкордныя тэрміны, я ўражаны яго прыгажосцю і размахам, - сказаў міністр спорту Сяргей Кавальчук. - Спадзяюся, наяўнасць такога аб'екта дасць новы імпульс у развіцці пляжных відаў спорту, а вынікі на сусветнай арэне стануць яшчэ больш значнымі. Хаця, здавалася б, што можа быць больш важкім за шыльду "Беларусь - Бразілія" ў фінале чэмпіянату свету. Яшчэ некалькі гадоў таму мы маглі аб такім толькі марыць. Упэўнены, трымаць гэты ўзровень мы зможам не адзін год".

Цэнтр "Пясчаная дзюна" будзе выкарыстоўвацца для правядзення трэніровак і спаборніцтваў па пляжным футболе, пляжным валейболе, пляжным тэнісе, пляжным гандболе, фрысбі-фрыстайле і іншых дысцыплінах.

"Унікальны аб'ект для Беларусі". Кіраўнік НАК аб адкрыцці цэнтра "Пясчаная дзюна"

версія для друку

зрабіць стартавай

дабавіць у выбранае