Падзеі, факты, анонсы

Сямейнае свята: аб новым міжнародным фестывалі ў Белавежскай пушчы расказалі ў Мінпрыроды

Фота з архiва

8 верасня, Мінск /Кар. БЕЛТА/. Які новы фестываль стартуе ў Беларусі восенню, расказаў у праекце БЕЛТА "Краіна гаворыць" намеснік начальніка ўпраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Андрэй Касцюк.

Адказваючы на ​​пытанне аб перспектывах новых лакальных фестываляў, Андрэй Касцюк нагадаў, што асабліва ахоўныя прыродныя тэрыторыі маюць строгі рэжым. Паводле яго слоў, маштабныя мерапрыемствы можна праводзіць выключна ў спецыяльна вылучаных рэкрэацыйных зонах нацыянальных паркаў або на ўчастках, вызначаных планамі кіравання запаведнікаў і заказнікаў.

Спікер адзначыў, што, акрамя фестываляў "Спораўскія сенажаці" і "Жураўлі і журавіны", праходзіць яшчэ і экафестываль "Асвейскія росы" ў рэспубліканскім ландшафтным заказніку "Асвейскі", фестываль славянскай міфалогіі "Шлях Цмока" ў Бярэзінскім біясферным запаведніку.

Акрамя таго, Андрэй Касцюк падзяліўся эксклюзіўнымі планамі на восень: "Крыху раскрыю таямніцу: плануецца "Зубр-фэст" на тэрыторыі Белавежскай пушчы. Гэта будзе новы міжнародны экалагічны сямейны фестываль, які прадоўжыцца некалькі дзён. Плануецца правесці яго ў верасні", - адзначыў намеснік начальніка ўпраўлення біялагічнай і ландшафтнай разнастайнасці.

Андрэй Касцюк расказаў, што атрыманыя ад турызму сродкі ў асноўным накіроўваюцца на ахоўную дзейнасць, умацаванне матэрыяльна-тэхнічнай базы, развіццё інфраструктуры, візіт-цэнтраў, інфацэнтраў і віртуальных тураў. "Гэта значыць ты, надзеўшы віртуальныя акуляры, можаш акунуцца ў прыроду заказніка, знаходзячыся непасрэдна ў памяшканні. Гэта даволі зручная фішка", - рэзюмаваў спікер.

* Праект створаны за кошт сродкаў мэтавага збору на вытворчасць нацыянальнага кантэнту.

версія для друку

зрабіць стартавай

дабавіць у выбранае