Падзеі, факты, анонсы

Шымановіч выйшла ў 1/8 фіналу тэніснага турніру ў Валенсіі

Фота НАК

12 чэрвеня, Мінск /Кар. БЕЛТА/. Беларуская тэнісістка Ірына Шымановіч (275-ы нумар сусветнага рэйтынгу) з перамогі стартавала на турніры WTA-125 у іспанскай Валенсіі з прызавым фондам $115 тыс., паведамляе карэспандэнт БЕЛТА.

Сёння ў 1/16 фіналу беларуска перайграла ў дзвюх партыях чэшку Дамініку Салкаву (143) - 6:4, 6:4. У паядынку за выхад у чвэрцьфінал саперніцай Ірыны Шымановіч будзе мексіканская тэнісістка Рэната Сарасуа (97).

Пазней у першым раўндзе турніру ў польскім Гданьску з прызавым фондам $25 тыс. беларуска Хрысціна Дзмітрук (676) сустрэнецца з японкай Юкі Наіта (388).

версія для друку

зрабіць стартавай

дабавіць у выбранае