Падзеі, факты, анонсы
Шарыф з сям'ёй пабываў у гасцях у Лукашэнкі ў рэзідэнцыі "Азёрны"
12 жніўня, Мінск /Кар. БЕЛТА/. Прэм'ер-міністр Пакістана Наваз Шарыф разам з жонкай і сынам сёння пабываў у гасцях у Прэзідэнта Беларусі Аляксандра Лукашэнкі ў яго рэзідэнцыі "Азёрны" ў Мінскім раёне. Аб гэтым БЕЛТА паведаміла прэс-сакратар кіраўніка беларускай дзяржавы Наталля Эйсмант.
Паводле слоў прэс-сакратара, сустрэча атрымалася душэўнай і па-сапраўднаму дамашняй. "Наша прырода, смачная кухня, гасціннасць - пра ўсё гэта госці шмат чулі. Цяпер жа змаглі пераканацца асабіста", - адзначыла Наталля Эйсмант.
Кіраўнік дзяржавы разам з малодшым сынам Мікалаем паказалі гасцям рэзідэнцыю, правялі імправізаваную экскурсію. У тым ліку пабывалі на крыніцы, дзе Наваз Шарыф, а таксама члены яго сям'і пакаштавалі чыстую, унікальную па сваіх уласцівасцях ваду.
За снеданнем "без гальштукаў" Прэзідэнт Беларусі і прэм'ер-міністр Пакістана размаўлялі каля гадзіны.
Аляксандр Лукашэнка і Наваз Шарыф абмяняліся падарункамі. З сабой на радзіму госці павезлі, у прыватнасці, чыстыя і натуральныя беларускія прадукты, напіткі, цукеркі, ільняныя вырабы, памятныя манеты Нацбанка, а таксама самыя яркія ўражанні аб гасціннай Беларусі.
версія для друку
зрабіць стартавай
дабавіць у выбранае