7 снежня, Мінск /Кар. БЕЛТА/. Тэхналогія 4G пачне працаваць у Беларусі з 1 студзеня 2016 года. Аб гэтым заявіў першы намеснік міністра сувязі і інфарматызацыі Дзмітрый Шадко ў эфіры праграмы "Галоўны эфір" на тэлеканале "Беларусь 1", паведамляе карэспандэнт БЕЛТА.
"Сёння тэхналогія 4G працуе ў тэставым рэжыме ў Мінску. З 1 студзеня мы з вамі зможам ёю скарыстацца", - адзначыў Дзмітрый Шадко. Ён выказаў упэўненасць, што Беларусь хутка навярстае пазіцыі, па якіх пакуль адстае ад вядучых сусветных краін па ўзроўні развіцця інфармацыйна-тэлекамунікацыйных тэхналогій. "Пра 5G пакуль абяцаць не буду, але, думаю, што да канца дзесяцігадовага перыяду мы пачнём мерапрыемствы па падрыхтоўцы да з'яўлення такіх тэхналогій", - канстатаваў ён.
Адносна з'яўлення ў грамадскім транспарце тэхналогіі Wi-Fi Дзмітрый Шадко сказаў, што тэхнічна такая магчымасць ёсць. "У бліжэйшы час рашэнні па гэтым пытанні будуць прыняты", - запэўніў першы намеснік міністра.