Падзеі, факты, анонсы

Сабаленка выйшла ў трэці круг турніру WTA-1000 у Рыме

Арына Сабаленка. Фота НАК

9 мая, Мінск /Кар. БЕЛТА/. Беларуская тэнісістка Арына Сабаленка паспяхова пачала выступленне на турніры катэгорыі WTA-1000 у Рыме з прызавым фондам 6 млн еўра, паведамляе карэспандэнт БЕЛТА.

У сваім першым матчы лідар сусветнага рэйтынгу перамагла сёння расійскую тэнісістку Настассю Патапаву, якая займае 34-ю пазіцыю, - 6:2, 6:2. Сустрэча прадаўжалася 1 гадзіну 3 мінуты. У 1/16 фіналу беларуска згуляе з прадстаўніцай ЗША Сафіяй Кенін (31-ы нумар рэйтынгу WTA). Год таму Сабаленка дабралася да фіналу рымскага турніру, але прайграла польцы Ізе Свёнтак.

Пазней яшчэ адна беларуска Вікторыя Азаранка (54) сустрэнецца ў другім раўндзе з польскай тэнісісткай Магдаленай Фрэш (25). У 1/64 фіналу Азаранка ўпэўнена абыграла ў дзвюх партыях калумбійку Марыю Асорыа (55) - 6:2, 6:3. У 2013 годзе Вікторыя Азаранка ў фінале гэтых спаборніцтваў уступіла амерыканцы Серэне Уільямс.

Цяперашні турнір у Рыме завершыцца 17 мая, яго пераможца атрымае 1000 рэйтынгавых ачкоў і 877,3 тыс. еўра прызавых.

версія для друку

зрабіць стартавай

дабавіць у выбранае