Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

22 Sep 2020

Сабаленка і Азаранка захавалі пазіцыі, Сасновіч апусцілася на адзін радок у рэйтынгу WTA

Сабаленка і Азаранка захавалі пазіцыі, Сасновіч апусцілася на адзін радок у рэйтынгу WTA
Арына Сабаленка. Фота Сіньхуа - БЕЛТА

22 верасня, Мінск /Кар. БЕЛТА/. Беларуска Арына Сабаленка захавала за сабой 12-е месца ў рэйтынгу Жаночай тэніснай асацыяцыі (WTA), паведамляе карэспандэнт БЕЛТА.

На мінулым тыдні Арына Сабаленка не гуляла і па-ранейшаму мае ў сваім актыве 3615 ачкоў. 21 верасня яна паспяхова стартавала на турніры ў французскім Страсбургу, абыграўшы ў першым раўндзе аўстралійскую тэнісістку Элен Перэс (239-ы нумар сусветнага рэйтынгу) - 6:4, 6:3. Таксама захавала сваю пазіцыю яшчэ адна беларуская тэнісістка Вікторыя Азаранка, якая дабралася да чвэрцьфіналу вялікага турніру ў Рыме. Цяпер у яе 3122 балы і 14-е месца. Аляксандра Сасновіч апусцілася з 95-га на 96-ы радок, маючы 738 ачкоў. Вольга Гаварцова знаходзіцца на 126-й пазіцыі, набраўшы 570 балаў, Вера Лапко мае 207 ачкоў і займае 291-е месца.

Першая дзясятка сусветнага рэйтынгу цяпер выглядае так:

1. Эшлі Барці (Аўстралія) - 8717 ачкоў,
2. Сімона Халеп (Румынія) - 7255,
3. Наомі Осака (Японія) - 5780,
4. Караліна Плішкава (Чэхія) - 5205,
5. Эліна Світоліна (Украіна) - 4740,
6. Сафія Кенін (ЗША) - 4700,
7. Б'янка Андрэеску (Канада) - 4555,
8. Кікі Бертэнс (Нідэрланды) - 4335,
9. Серэна Уільямс (ЗША) - 4080,
10. Белінда Бенчыч (Швейцарыя) - 4010.

У мужчынскім сусветным рэйтынгу лепшы з беларускіх тэнісістаў Ягор Герасімаў знаходзіцца на 83-м месцы, набраўшы 750 ачкоў, у Ільі Івашкі 425 балаў і 136-я пазіцыя.

Топ-10 рэйтынгу Асацыяцыі тэнісістаў-прафесіяналаў:

1. Новак Джокавіч (Сербія) - 11260 ачкоў,
2. Рафаэль Надаль (Іспанія) - 9850,
3. Дамінік Цім (Аўстрыя) - 9125,
4. Роджэр Федэрэр (Швейцарыя) - 6630,
5. Данііл Мядзведзеў (Расія) - 5890,
6. Стэфанас Цыцыпас (Грэцыя) - 5175,
7. Аляксандр Звераў (Германія) - 4650,
8. Матэа Берэціні (Італія) - 3030,
9. Гаэль Манфіс (Францыя) - 2860,
10. Дзяніс Шапавалаў (Канада) - 2660.

На наступным тыдні вядучыя тэнісісты планеты ў Парыжы прымуць старт у трэцім у сезоне турніры серыі "Вялікага шлема" - адкрытым чэмпіянаце Францыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі